is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4723

Titill: 
  • ADHD : meðferðarúrræði og kennsla
Námsstig: 
  • Bakkalár
Útdráttur: 
  • Ritgerð þessi er heimildaritgerð og er unnin út frá íslenskum og erlendum heimildum. Tilgangur ritgerðarinnar er að fá yfirlit yfir helstu meðferðarúrræði fyrir börn með ADHD og gefa hugmyndir um hvernig æskilegt sé að kenna og styðja þessi börn. Athyglisbrestur með ofvirkni, eða ADHD, er taugaþroskaröskun sem kemur fram sem einbeitingarerfiðleikar, ofvirkni og hvatvísi. Þetta er ein algengasta hegðunarröskun hjá börnum og unglingum. ADHD er meðhöndlað með lyfjum, þá helst Rítalíni, en önnur lyf eru einnig notuð eins og þunglyndislyf og Clonidin. Nokkur deilumál hafa komið upp í sambandi við lyfjanotkun og eru þau helstu að lyf séu ofnotuð eða misnotuð og að börnin verði ekki þau sjálf á meðan þau eru á þeim. Mataræði og bætiefni hafa verið nokkuð í umræðunni síðustu misseri sem meðferðarúrræði, en það eru ekki til neinar vísindalegar sannanir né margar rannsóknir á því og því margar raddir sem segja að þetta sé úrræði sem ekki virki. Atferlismeðferð er eitt af þeim úrræðum sem talið er vera gott fyrir börn með ADHD og virkar hún vel ásamt lyfjameðferð. Hún er góð til þess að breyta hegðun og fá barn til að sýna æskilegt atferli. Skóli er stór partur í lífi barna og er barn með ADHD engin undantekning. Skólinn, kennarinn og aðrir starfsmenn skólans þurfa því að vera vel meðvitaðir um ástand barnanna sem þeir vinna með og er margt innan skólans sem hefur áhrif á hvernig gengi nemanda með ADHD er í skólanum. Þar má nefna atriði eins og skipulag í skólastofu, til dæmis að nemandi með ADHD sitji nálægt kennaranum og að gott samband sé á milli skóla og heimilis. Kennarinn er líklega mikilvægastur, hann þarf að hafa vitneskju um ADHD, vera rólegur og jákvæður en samt sem áður harður í að fylgja reglum þar sem nemandi með ADHD þarf að hafa reglufestu. Gott er fyrir kennara og annað starfsfólk skóla að gera sér grein fyrir hvernig og hvað hentar best fyrir nemanda með ADHD, til dæmis að gott aðhald, reglufesta og rólegt umhverfi og að aðstoð sé fyrir hendi. Eins er mikilvægt að það sé útkljáð hvort ADHD sé sjúkdómur eða ekki. Þessi ritgerð getur hentað til dæmis kennurum og öðrum sem vinna með börn með ADHD og ekki síst foreldrum.
    Lykilorð: Meðferðarúrræði.

Samþykkt: 
  • 21.4.2010
URI: 
  • http://hdl.handle.net/1946/4723


Skrár
Skráarnafn Stærð AðgangurLýsingSkráartegund 
ADHD-Jóhanna Elísabet Ólafsdóttir_fixed.pdf256.09 kBOpinnHeildartextiPDFSkoða/Opna