Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4813
Skipulag á hinu byggða umhverfi mannsins vísar til viðleitni yfirvalda við
útdeilingu rýmis í almanna þágu. Þessi ritgerð mun skoða valdar greinar sem
koma frá ólíkum fræðimönnum og á ólíkum tímum en eiga það sameiginlegt
að skoða á gagnrýninn hátt hvernig valdbeiting á rými hefur áhrif á líf fólks og
er athyglinni einkum beint að skipulagsfræði.
Umfjöllunin byrjar á að skoða hvað rými er í félagsvísindum, allt frá
Durkheim, til Chicago skólans og svo Foucault. Einnig er gefið stutt yfirlit yfir
sögu skipulagsfræði og hvaðan nútíma skipulagsfræðingar sækja
kenningalegan uppruna sinn frá.
Sjónunum er þá beint að nýmarxískum kenningum um skipulag rýmis.
Þar komu fram fræðimenn sem töldu skipulag rýmis endurgera valdasambönd
og stéttasambönd, það er, að skipulag væri pólitískt ferli sem ákveðnir hópar
græddu á, meðan aðrir töpuðu.
Svipaða nálgun má sjá í póst-módernískri gagnrýni á skipulagsfræði.
Bentu menn þar á að skipulagsfræðingar gætu ekki haldið fram hlutleysi og
rökrænni módernískri nálgun á skipulag í heimi sem er margbreytilegur. Er þá
kynntur til sögunnar Robert Forrester, sem leggur til samskiptanálgun á
skipulag er tryggir jafnt aðgengi að upplýsingum og lýðræðislega umræðu.
Undir lokin eru kynntar tillögur að þverfaglegri nálgun mannfræði og
annarra fræðigreina að skipulagi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BA_Jón Kjartan Ágústsson.pdf | 307.48 kB | Opinn | Heildartexti | Skoða/Opna |