is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5009

Titill: 
  • „Form og stíll örðugt viðfangs.“ Frásagnaraðferð í verkum Jakobínu Sigurðardóttur
Námsstig: 
  • Meistara
Útdráttur: 
  • Nafn Jakobínu Sigurðardóttur (1918–1994) virðist hafa fallið á milli þils og veggjar í
    umræðu um þá endurskoðun á íslensku skáldsagnaformi sem hófst um miðjan 7.
    áratug 20. aldar. Þrátt fyrir að hafa skrifað bækur sínar á tímabilinu 1959–1994 og
    frásagnarform fjölmargra verka hennar sé óvenjulegt og nýstárlegt – jafnvel einsdæmi
    – er Jakobínu ekki getið í öllum yfirlitsgreinum um íslenkar bókmenntir eftir 1960. Í
    þessari umfjöllun er leitast við að sýna fram á að Jakobína eigi skilið að vera talin
    einn af formbyltingarhöfundum íslenskrar sagnagerðar.
    Allar skáldsögur og smásagnasöfn Jakobínu eru til umfjöllunar hér og
    frásagnaraðferð þeirra er m.a. greind með hjálp hugrænnar frásagnarfræði (e.
    cognitive narratology). Fræðin, sem eru enn fremur lítt þekkt hér á landi, eru kynnt
    ítarlega í inngangskafla sem og jafnóðum við greiningu á sögunum. Í 2. kafla er
    fjallað um persónusköpun í smásögunni „Veginum upp á fjallið“ (Vegurinn upp á
    fjallið 1990) og skáldsögunum Dægurvísu (1965) og Snörunni (1968). Einræður og
    samtöl í ýmsum sögum Jakobínu eru til umfjöllunar í 3. kafla og í 4. kafla er
    gríðarlega margslungin og einstök frásagnaraðferð Lifandi vatnsins – – – (1974)
    rannsökuð. Í 5. kafla er þróun höfundarverks skáldkonunnar skoðuð, m.a. með tilliti
    til hlutverks sögumanns og höfundar í frásögninni, og greint frá hugmyndum um
    frásagnartækni sem beinlínis eru til umfjöllunar í verkunum. Þessi þróun og
    frásagnarfræðiumræða í sögum Jakobínu er einnig borin saman við fræðiskrif og
    skáldverk Halldórs Laxness.

Athugasemdir: 
  • Ritgerðin er lokuð til júlí 2013
Samþykkt: 
  • 7.5.2010
URI: 
  • http://hdl.handle.net/1946/5009


Skrár
Skráarnafn Stærð AðgangurLýsingSkráartegund 
Ásta Kristín - MA-ritgerð.pdf775.34 kBOpinnHeildartextiPDFSkoða/Opna