is Íslenska en English

Lokaverkefni (Meistara)

Háskólinn á Akureyri > Viðskipta- og raunvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5686

Titill: 
  • Effect of ozonized water and ozonized Ice on quality and shelf life of fresh cod (Gadus morhua)
Námsstig: 
  • Meistara
Útdráttur: 
  • Notkun ósons er þekkt í ýmsum matvælaiðnaði og hefur til að mynda verið notað um nokkuð skeið til að drepa bakteríur í vatni meðal annars við átöppun á drykkjarvatnsflöskur. Óson er mjög hvarfgjarnt efni og vegna þess eyðist það fljótt úr matvælunum og skilur engar leifar eða aukabragð eftir sig, líkt og til að mynda klór gerir. Notkun ósons í matvæla- og fiskframleiðslu er hinsvegar nýleg aðferð við gerileyðingu í sjávarafurðum. „Food and Drug Administration“ (FDA) hefur þegar leyft notkun ósons við matvælaframleiðslu og samkvæmt bandarískum reglum þarf ekki að taka það fram á umbúðum að óson hafi verið notað við vinnsluna.
    Markmið þessa verkefnis var að kanna áhrif ósons á gæði hráefnis og geymsluþol á ferskum afurðum úr sjávarfangi. Til þess var virkni ósons prófuð á hreinræktir og á örverur í fiski og þar með á skemmdaferli í fiski en það sem takmarkar fyrst og fremst geymsluþol á ferskum fiski eru bakteríur á roði og í holdi og kviðarholi fisksins. Næðist með þessu lengra geymsluþol væri hugsanlega sá möguleiki fyrir hendi að flytja ferskar afurðir með sjófragt í stað flugfragtar eins og gert er í dag og með því gæti ávinningur af sölu afurðanna aukist. Auk þess má telja að aukinn ferskleiki dragi úr rýrnun og skapi verðmætara hráefni sem leiði til hærra verðs á afurðum og traustari sölu ef litið er til lengri tíma.
    Verkefnið gekk út á að nýta tiltölulega nýja tækni til að framleiða óson og koma því í vatnslausn. Óson mettaða vatnið var svo notað til að framleiða annarsvegar ósonís og hinsvegar til að skola fiskinn með það að markmiði að fækka bakteríum.
    Verkefninu var skipt skipta í þrjá hluta, þar sem í þeim fyrsta voru metin áhrif ósons á vöxt nokkurra þekktra bakteríustofna, Í öðrum hluta voru bakteríudrepandi áhrif ósonvatns á fisk athuguð og í þriðja og síðasta hlutanum voru áhrif ósons á geymsluþol þorsks athuguð. Gerðar voru örverumælingar, magn reikula basa athugaður (TVB-N), oxunaráhrif ósonsins kannaðar (TBA), skynmati beitt auk þess sem gerðar voru litamælingar.
    Helstu niðurstöður voru þær að óson hefur mjög góða bakteríudrepandi eiginleika ef lausnin er tiltölulega laus við lífræn efni eins og í fyrsta hlutanum, en þegar mikið magn lífrænna efna er til staðar í ósonvatninu var árangurinn ekki góður. Í öðrum hlutanum þar sem fiskbitar voru látnir liggja í ósonvatni var ekki marktækur munur á meðalfjölda örvera með eða án meðferðar og í geymsluþolstilraununum var ekki heldur hægt að nema ávinning af notkun ósonsins, þar sem einungis TVB-N mælingar gáfu vísbendingu um jákvæða virkni ósons á geymsluþolið.

Athugasemdir: 
  • Verkefnið er lokað til 1. júní 2020
Samþykkt: 
  • 22.6.2010
URI: 
  • http://hdl.handle.net/1946/5686


Skrár
Skráarnafn Stærð AðgangurLýsingSkráartegund 
effect of ozone on shelf life of fresh cod.pdf5.8 MBLokaðurEffect of ozonized water and ozonized ice on quality and shelf life of fresh cod (Gadus morhua) - heildPDF