EnglishisÍslenska

Member institutions

Search in


ThesisUniversity of Akureyri>Viðskipta- og raunvísindasvið>B.S. verkefni>

Please use this identifier to cite or link to this item: http://hdl.handle.net/1946/5719

Title
is

Þróun fasteignaverðs á Akureyri næstu misserin

Abstract
is

Í gangverki hvers efnahagskerfis gegnir fasteignamarkaðurinn veigamiklu hlutverki. Þá er hann einnig góður mælikvarði á heilsufar þess. Í því sambandi er áhugavert að fylgjast með þróun seinustu ára þar sem töluverð umskipti hafa átt sér stað. Viðfangsefni þessara skýrslu er að varpa ljósi á þá þætti sem hafa hvað mest áhrif á markaðsverð íbúðarhúsnæðis svo og bera saman íbúðarmarkaðinn á Akureyri við íbúðarmarkaðinn á höfuðborgarsvæðinu. Þá eru sett fram mælitæki sem ætlað er að svara hvort vænta megi samsvarandi lækkunar á íbúðarhúsnæði á Akureyri og Seðlabankinn er búinn að spá fyrir um höfuðborgarsvæðið.
Margir samspilandi þættir hafa áhrif á væntingar fólks. Hið opinbera er fyrirferðarmikið í íslenska hagkerfinu og getur atferli þess haft mikil áhrif á fólkið í landinu. Ákvarðanir þess er varða breytingar á húsnæðislánakerfinu skipta miklu. Hvort sem um er að ræða vexti, lánstíma, veðsetningarhlutfall, stimpilgjöld eða annan kostnað tengdan fasteignaviðskiptum eru það allt þættir sem hafa áhrif á greiðslugetu fólks. Þá skipta breytingar á tekjum og kaupmætti fólks miklu máli þegar skoðaðar eru ástæður verðbreytinga á íbúðarhúsnæði.
Töluvert hefur verið byggt bæði á Akureyri og á höfuðborgarsvæðinu síðustu árin. Hefur hlutfallsleg fjölgun íbúðarhúsnæðis verið sambærileg. Fjöldi þinglýstra kaupsamninga hefur dregist mikið saman á þessum mörkuðum síðustu misserin. Eftir miklar verðhækkanir 2004-2007 hefur raunverð fasteigna verið á hraðri niðurleið. Þar spilar verðbólga stærstu rulluna en hún er einnig ástæða þess að kaupmáttur hefur rýrnað upp á síðkastið.
Óhætt er að segja að framboð af nýju húsnæði sé nægt á báðum stöðum. Hlutfallslega er þó meira til af húsnæði á höfuðborgarsvæðinu.
Miðað við þá mælikvarða sem notaðir eru í þessari rannsókn má búast við að íbúðarverð á höfuðborgarsvæðinu lækki um 8% umfram íbúðarverð á Akureyri frá því það var hæðst 2008.
Lykilorð: Akureyri, Reykjavík, húsnæðismarkaður, framboð, eftirspurn.

Comments
is

Verkefnið er lokað til janúar 2015

Issued Date
23/06/2010


Artifacts
Name[Sortable]Size[Sortable]Visibility[Sortable]Description[Sortable]Format
Efnisyfirlit lokav... .pdf14.6KBOpen Þróun fasteignaverðs á Akureyri næstu misserin-efnisyfirlit PDF View/Open
Heimildaskrá lokav... .pdf54.4KBOpen Þróun fasteignaverðs á Akureyri næstu misserin-heimildaskrá PDF View/Open
Útdráttur lokaverk... .pdf147KBOpen Þróun fasteignaverðs á Akureyri næstu misserin-útdráttur PDF View/Open
Þróun fasteignaver... .pdf363KBLocked until  01/01/2015 Þróun fasteignaverðs á Akureyri næstu misserin-heild PDF