is Íslenska en English

Lokaverkefni (Bakkalár)

Háskólinn á Akureyri > Viðskipta- og raunvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5719

Titill: 
  • Þróun fasteignaverðs á Akureyri næstu misserin
Námsstig: 
  • Bakkalár
Útdráttur: 
  • Í gangverki hvers efnahagskerfis gegnir fasteignamarkaðurinn veigamiklu hlutverki. Þá er hann einnig góður mælikvarði á heilsufar þess. Í því sambandi er áhugavert að fylgjast með þróun seinustu ára þar sem töluverð umskipti hafa átt sér stað. Viðfangsefni þessara skýrslu er að varpa ljósi á þá þætti sem hafa hvað mest áhrif á markaðsverð íbúðarhúsnæðis svo og bera saman íbúðarmarkaðinn á Akureyri við íbúðarmarkaðinn á höfuðborgarsvæðinu. Þá eru sett fram mælitæki sem ætlað er að svara hvort vænta megi samsvarandi lækkunar á íbúðarhúsnæði á Akureyri og Seðlabankinn er búinn að spá fyrir um höfuðborgarsvæðið.
    Margir samspilandi þættir hafa áhrif á væntingar fólks. Hið opinbera er fyrirferðarmikið í íslenska hagkerfinu og getur atferli þess haft mikil áhrif á fólkið í landinu. Ákvarðanir þess er varða breytingar á húsnæðislánakerfinu skipta miklu. Hvort sem um er að ræða vexti, lánstíma, veðsetningarhlutfall, stimpilgjöld eða annan kostnað tengdan fasteignaviðskiptum eru það allt þættir sem hafa áhrif á greiðslugetu fólks. Þá skipta breytingar á tekjum og kaupmætti fólks miklu máli þegar skoðaðar eru ástæður verðbreytinga á íbúðarhúsnæði.
    Töluvert hefur verið byggt bæði á Akureyri og á höfuðborgarsvæðinu síðustu árin. Hefur hlutfallsleg fjölgun íbúðarhúsnæðis verið sambærileg. Fjöldi þinglýstra kaupsamninga hefur dregist mikið saman á þessum mörkuðum síðustu misserin. Eftir miklar verðhækkanir 2004-2007 hefur raunverð fasteigna verið á hraðri niðurleið. Þar spilar verðbólga stærstu rulluna en hún er einnig ástæða þess að kaupmáttur hefur rýrnað upp á síðkastið.
    Óhætt er að segja að framboð af nýju húsnæði sé nægt á báðum stöðum. Hlutfallslega er þó meira til af húsnæði á höfuðborgarsvæðinu.
    Miðað við þá mælikvarða sem notaðir eru í þessari rannsókn má búast við að íbúðarverð á höfuðborgarsvæðinu lækki um 8% umfram íbúðarverð á Akureyri frá því það var hæðst 2008.
    Lykilorð: Akureyri, Reykjavík, húsnæðismarkaður, framboð, eftirspurn.

Athugasemdir: 
  • Verkefnið er lokað til janúar 2015
Samþykkt: 
  • 23.6.2010
URI: 
  • http://hdl.handle.net/1946/5719


Skrár
Skráarnafn Stærð AðgangurLýsingSkráartegund 
Þróun fasteignaverðs á Akureyri næstu misserin.pdf355.37 kBOpinnÞróun fasteignaverðs á Akureyri næstu misserin-heildPDFSkoða/Opna
Útdráttur lokaverkefnis.pdf144.16 kBOpinnÞróun fasteignaverðs á Akureyri næstu misserin-útdrátturPDFSkoða/Opna
Efnisyfirlit lokaverkefnis.pdf14.28 kBOpinnÞróun fasteignaverðs á Akureyri næstu misserin-efnisyfirlitPDFSkoða/Opna
Heimildaskrá lokaverkefnis.pdf53.17 kBOpinnÞróun fasteignaverðs á Akureyri næstu misserin-heimildaskráPDFSkoða/Opna