is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5912

Titill: 
  • Heimamenning og skólamenning : að efla samspil heimamenningar og skólamenningar með markvissu samstarfi við foreldra leikskólabarna af erlendum uppruna
Námsstig: 
  • Meistara
Leiðbeinandi: 
Útdráttur: 
  • Í ritgerðinni var fjallað um heimamenningu og skólamenningu leikskólabarna, hvers vegna það er talið mikilvægt að auka samspil á milli menningar heimilis og skóla og hvernig megi gera það í nánu samstarfi við foreldra leikskólabarna, einkum foreldra af erlendum uppruna. Í fyrri hluta ritgerðarinnar voru kenningar félagsfræðingsins Bourdieu um vettvang, menningar- og félagsauð og veruhátt lagðar til grundvallar í verkefninu. Greint var frá umfjöllun fræðimanna um heimamenningu og skólamenningu og þeim rannsóknum sem hafa verið gerðar og tengjast umfjöllunarefninu. Fjallað var um kenningu Bronfenbrenner um áhrif umhverfisins á þroska barna í félags- og menningarlegu samhengi. Einnig um það hvaða gildi foreldrasamstarf hefur í samskiptum milli heimilis og skóla til þess að stuðla að samspili heimamenningar og skólamenningar. Rannsóknir sem ég vísaði til í verkefninu benda til þess að þegar leikskólar leggja litla áherslu á að kynnast heimamenningu barna, leiðir það til þess að skólamenningin verður ekki hliðholl öllum börnum og fjölskyldum þeirra. Einnig þegar lítil áhersla er lögð á samstarf milli heimils og skóla þá öðlast foreldrar ekki næga þekkingu á menningu skólans og þeim gefast fá tækifæri til að hafa áhrif á skólamenninguna. Það er því mikilvægt að byggja upp markvisst foreldrasamstarf í leikskólum sem stuðlar að samspili heimamenningar og skólamenningar. Þess vegna var í síðari hluta ritgerðarinnar lagður grunnur að þróunarverkefni fyrir leikskóla. Markmiðið með verkefninu er að efla samspil milli heimamenningar og skólamenningar með markvissu samstarfi við foreldra og sjónum var beint að samstarfi við foreldra af erlendum uppruna. Þróunarstarfið byggir á líkani Epstein um samstarf heimilis og skóla. Í þróunaráætlun voru valin forgangsverkefni sem miðuðu að því að efla uppeldislega umræðu milli foreldra og starfsfólks, efla samskipti milli heimilis og skóla, efla þátttöku foreldra í skólastarfi og efla þátttöku foreldra í ákvörðunartöku í leikskólanum. Lagðar voru fram leiðir til að meta árangur þróunarstarfsins í þágu barna, foreldra og leikskólans.
    Lykilorð: Heimamenning, skólamenning, foreldrasamstarf, börn af erlendum uppruna, foreldrar af erlendum uppruna.

Samþykkt: 
  • 29.6.2010
URI: 
  • http://hdl.handle.net/1946/5912


Skrár
Skráarnafn Stærð AðgangurLýsingSkráartegund 
Lokaverkefni Guðrúnar Finnsdóttur.pdf579.15 kBOpinnHeildartextiPDFSkoða/Opna