Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6031
Í ritgerð þessari eru kannaðar reglur og helstu sjónarmið, sem gilda um ógildingu fjárskiptasamninga í skilnaðarmálum, með megináherslu á sérreglu hjúskaparlaga, sbr. 2. mgr. 95. gr. laga nr. 31/1993, hér eftir skammstöfuð hjskl., um ógildingu fjárskiptasamninga, og könnuð hver eru efnisskilyrði ákvæðisins. Meginmarkmið ritgerðarinnar er að taka til skoðunar þau sjónarmið, sem litið er til við mat á því hvort fjárskiptasamningur teljist falla undir 2. mgr. 95. gr. hjskl. og sé þar af leiðandi ógildanlegur. Í öðrum kafla verður vikið að tilkomu gildandi hjúskaparlaga og gerð grein fyrir stöðu sifjaréttar innan réttarkerfisins. Í þriðja kafla verður stuttlega farið yfir það eignafyrirkomulag, sem gildir í hjúskap og gerð grein fyrir þeim mun, sem er á hjúskapareignum og séreignum. Þá verða helstu einkenni á fjármálaskipan í hjúskap rakin. Í fjórða kafla er skoðað eðli fjárskiptasamninga, form þeirra og efni. Í fimmta og jafnframt veigamesta kafla ritgerðarinnar er vikið að ógildingu fjárskiptasamninga á grundvelli 2. mgr. 95. gr. hjskl. Farið verður yfir þau atriði, sem helst er litið til við mat á því hvort ógilda beri fjárskiptasamning á grundvelli ákvæðisins og til skýringar er litið til dómaframkvæmdar. Í sjötta kafla ritgerðarinnar er tekið til athugunar samspil 2. mgr. 95. gr. hjskl. við 36. gr. laga nr. 7/1936 um samningsgerð, umboð og ógilda löggerninga. Kannað er hver tengsl ákvæðanna eru og hvað skilur þau að. Að lokum er efni ritgerðarinnar tekið saman í sjöunda kafla hennar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
ritgerdin.pdf | 218.93 kB | Opinn | Heildartexti | Skoða/Opna |