is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6306

Titill: 
  • Valdatengsl í íslensku samfélagi árið 2007
Námsstig: 
  • Bakkalár
Útdráttur: 
  • Tilgátan sem lögð er til grundvallar þessari rannsókn er eftirfarandi: ,,Ísland er fámennis samfélag og þess vegna tengjast helstu valdakjarnar samfélagsins innbyrðis. Skoðað með sérstöku tilliti til áhrifa viðskiptalífsins og aðkomu stjórnmálamanna. Karlar ráða mestu“. Til þess að svara spurningunni voru tíu valdahópar skilgreindir og gögnum safnað um alla þá einstaklinga sem tilheyra þeim hópum árið 2007. Undanskilinn er hópur embættismanna og nefndarmanna ráðuneytanna, en þau gögn eru frá árinu 2003, auk þess sem takmarkanir eru á nokkrum hópanna.
    Valdahóparnir, eða valdakjarnarnir eru tíu og greinast eftir því hvað einkennir völd hvers hóps. Þeir eru: löggjafarvald, framkvæmdarvald, dómsvald, fjölmiðlavald, embættismannavald, verkalýðsvald, atvinnurekendavald, lífeyrissjóðsvald, hagsmunavald og viðskiptavald. Sérstaklega var greint hversu margir einstaklingar eiga hlutdeild í fleiri en einum valdahópi, annars vegar í viðskiptavaldinu eða stjórnmálavaldinu og hins vegar í hinum valdakjörnunum. Sérstök áhersla er lögð á valdamikla einstaklinga og hópa í viðskiptalífinu og tengsl þeirra innan viðskiptalífsins; tengsl verkalýðshreyfingarinnar við stjórnir fyrirtækja í gegnum setu fulltrúa verkalýðshreyfingarinnar í stjórnum lífeyrissjóða; tengsl stjórnmálavaldsins við aðra valdahópa í samfélaginu.
    Kenningar um margræði, kjarnræði, umboðskenningin og samráðshyggja nýttust til að meta áhrif kynjanna, kynjafræðikenningar. Heildarniðurstaðan sýnir að íslenskt samfélag ber merki margræðis út frá gögnum sem aflað var í þessari ritgerði. Undantekning er í viðskiptalífinu þar sem töluverð tengsl eru milli stjórna stærstu fyrirtækja landsins. Jafnframt bendir margt til þess að möguleiki á umboðsvanda geti hæglega skapast bæði hjá fulltrúa verkalýðshreyfinganna og fulltrúa atvinnurekenda þegar þeir taka sæti í stjórn fyrirtækis fyrir hönd stjórnar lífeyrissjóðs.
    Karlar eru mun fjölmennari en konur í öllum valdahópunum sem rannsóknin náði til og er staða kvenna lökust í viðskiptavaldinu og lífieyrissjóðsvaldinu. Flestar eru konur í sveitastjórnum fjögurra stærstu sveitafélaga landsins.

Athugasemdir: 
  • Ritgerðin er tvöföld lokaritgerð þar sem um er að ræða lokaritgerð í tveim fögum. Viðskiptafræði BS (stjórnun) og stjórnmálafræði BA
Samþykkt: 
  • 20.9.2010
URI: 
  • http://hdl.handle.net/1946/6306


Skrár
Skráarnafn Stærð AðgangurLýsingSkráartegund 
Lokaritgerð-Bryndis-Isfold-BAogBS-stjornmalafr-og-vidskiptafr..pdf2.2 MBOpinnHeildartextiPDFSkoða/Opna