EnglishisÍslenska

Member institutions

Search in


ThesisUniversity of Iceland>Hugvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/6380

Title
is

Myndirnar tala. Myndabækur fyrir börn

Published
August 2010
Abstract
is

Myndabækur hafa notið vaxandi athygli fræðimanna um barnabókmenntir. Ritgerð þessi afmarkar myndabækur sem bókmenntagrein í fyrsta kafla og lýsir áhrifum mynda á börn í ljósi kenninga sálfræðinga, einkum Rudolfs Arnheim og Howard Gardner. Fjallað er um aðdráttarafl mynda á börn og rannsóknir fræðimanna á listum og litaskynjun, allt frá Isaac Newton og Johann Wolfgang von Goethe til Perry Nodelman. Þessi kafli skýrir einnig tvö meginsamskiptaform myndabókanna, hið sjónræna og hið munnlega, í ljósi táknfræðinnar. Í öðrum kafla er gefið yfirlit yfir helstu myndabækur vestrænna landa og helstu íslensku myndabækurnar. Þriðji kaflinn einbeitir sér að myndrænum kóðum og útskýrir hvernig lesa má myndir eins og texta. Fjórði kaflinn segir frá formgerðarflokkun myndabóka, mismunandi nálgun og kenningum fræðimanna síðustu þrjátíu ár. Þar er einkum höfð hliðsjón af nýjustu bók barnabókmenntafræðinganna Mariu Nikolajevu og Carole Scott sem draga saman fyrri kenningar og umfjöllun um myndabækur fyrir börn. Lokakafli ritgerðarinnar beitir síðan kenningunum sem gerð hefur verið grein fyrir til að greina myndabókina Gælur, fælur og þvælur eftir Þórarin Eldjárn og Sigrúnu Eldjárn frá árinu 2007. Kannarnir og kenningar þær sem hér er fjallað um auðvelda okkur að greina myndabækur og skilja gerð þeirra og áhrif á lesendur en hvort tveggja getur hjálpað okkur að velja réttar bækur handa börnum okkar.

Issued Date
06/10/2010


Artifacts
Name[Sortable]Size[Sortable]Visibility[Sortable]Description[Sortable]Format
Myndirnar_Jarka_Lo... .pdf3.43MBLocked Complete Text PDF