Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6603
Verkefni það sem hér er lagt fram felur annars vegar í sér heimildarmyndina “Lærdómar” og hins vegar er um að ræða fræðilega skýrslu um hana. Heimildarmyndin segir frá þróunarverkefninu Námi með stuðningi hjá Fjölmennt, símenntunar- og þekkingarmiðstöð og lýsir samstarfi stofnunarinnar við almennar símenntunarstöðvar sem starfa á vettvangi fullorðinsfræðslu og þátttöku fatlaðs fólks á námskeiðum sem haldin hafa verið á þeirra vegum.
Tilgangur verkefnisins er tvíþættur; í fyrsta lagi að kanna upplifun, reynslu og viðhorf fatlaðra þátttakenda og samstarfsaðila í Námi með stuðningi hjá Fjölmennt og í öðru lagi er heimildarmyndinni ætlað það hlutverk að vera kynningarefni fyrir þróunarverkefnið Nám með stuðningi.
Þátttakendur í myndinni voru þrjátíu og tveir; tuttugu og þrír fatlaðir námsmenn, tveir kennarar, þrír stjórnendur skóla, tveir stjórnendur frá Fjölmennt, einn aðstandandi og einn nemandi í Þroskaþjálfafræðum við Háskóla Íslands.
Viðtöl við þátttakendur leiddu í ljós almenna ánægju með verkefnið og ber þá helst að nefna mikilvægi samfélagsþátttöku, blöndun fatlaðra og ófatlaðra í samfélaginu og ávinning af námsþátttöku fatlaðs fólks við almennar menntastofnanir. Einnig komu fram gagnlegar ábendingar um áhersluþætti í áframhaldandi þróun á þessu sviði. Ber þar að nefna mikilvægi upplýsingamiðlunar og faglegrar ráðgjafar til samstarfsaðila Fjölmenntar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Greinagerð 11.5.2010.pdf | 351.68 kB | Opinn | Heildartexti | Skoða/Opna |