EnglishisÍslenska

Member institutions

Search in


ThesisUniversity of Iceland>Menntavísindasvið >Meistaraprófsritgerðir>

Please use this identifier to cite or link to this item: http://hdl.handle.net/1946/6908

Title
is

„Þetta verður að vera glíma“ : sannfæring Waldorfkennara um sköpunarkraft í eigin kennslu

Published
October 2010
Abstract
is

Markmið rannsóknarinnar var að skoða og lýsa sannfæringu Waldorfskólakennara um sköpunarkraft í kennslu. Gildi og tilgangur rannsóknarinnar fólst í því að varpa ljósi á sköpunarkraft í skólastarfi og fá fram hugmyndir um það hvernig byggja má á sköpunarkrafti í kennslu. Í þessari rannsókn er litið til sannfæringar kennara í þeim tilgangi að draga fram hugmyndir þeirra um sköpunarkraft. Leitað var í smiðju Waldorfkennara þar sem hugmyndafræði þeirra styður við sköpunarkraft í kennslu. Fræðilegt samhengi rannsóknarinnar er í þremur þáttum. Fyrst er umfjöllun um hugmyndafræði Waldorfskólanna. Því næst er fjallað um hugmyndir kennara um eigið starf með áherslu á sannfæringu kennara. Að lokum er fjallað um sköpunarkraft í menntun og skólastarfi frá ýmsum hliðum.
Notaðar voru eigindlegar rannsóknaraðferðir. Gagnasöfnun stóð yfir í rúmt ár og voru gerðar þátttökuathuganir og tekin viðtöl. Þátttakendur eru fjórir Waldorfskólakennarar, tveir frá hvorum Waldorfgrunnskólanna sem starfa á Íslandi.
Helstu niðurstöður rannsóknarinnar sýndu að sannfæring kennaranna um sköpunarkraft í kennslu einkennist af hugmyndum um sköpunarkraft sem innblástur til að sjá námsefnið og námsferlið í nýju ljósi og að sköpunarkrafturinn þrífst innan andrúmslofts sem styður við hann. Þennan innblástur megi virkja í réttu andrúmslofti til að styðja við innihaldsríkt nám nemenda sem fari fram í sköpunarferli. Til þess þurfi kennarinn að nýta sköpunarkraft sinn í undirbúningi og kennslu. Á vettvangi birtist sannfæring kennaranna í þeim leiðum sem þeir völdu í kennslu og einkenndust af fjölbreytni og heildrænni hugsun. Hún birtist einnig í mótun sköpunarferlisins þar sem fram komu áherslur á sterkan ramma sem stuðning við ferlið. Kennararnir töldu undirbúning sinn og tengingu við efnið í gegnum eigin sköpunarkraft vera forsendu þess að skapandi flæði færi af stað í sköpunarferlinu. Þeir töldu sitt helsta viðfangsefni vera að móta þetta ferli og gera nemendum kleift að læra á skapandi hátt.

Issued Date
08/11/2010


Artifacts
Name[Sortable]Size[Sortable]Visibility[Sortable]Description[Sortable]Format
hrafnhildure_ma.pdf1.09MBOpen Complete Text PDF View/Open