is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7212

Titill: 
  • Peningastefnan. Krónan
Námsstig: 
  • Bakkalár
Útdráttur: 
  • Megin markmið þessa verkefnis er að skoða þróun peningamálastefnu Íslands og framkvæmd Seðlabanka Íslands á henni, meta það hvernig hún hefur virkað og hvort henni hafi verið fylgt eftir á trúverðugan hátt. Ennfremur hvort peningamálastefnan hafi veitt það aðhald sem henni hafi verið ætlað. Stofnun gjaldeyrismarkaðar árið 1993 átti að auðvelda miðlun peningamálastefnu Seðlabankans og því er nokkur áhersla lögð á að skoða hvernig og hvort Seðlabankanum tókst að nýta markaðinn til að ná markmiðum sínum.
    Segja má að peningamálastefna Íslands og Seðlabankans hafi í stórum dráttum fylgt þeirri þróun sem hefur orðið á alþjóðavettvangi á þessu sviði. Ísland hóf 20. öldina í myntsamstarfi Norðurlandaþjóða og nú í upphafi 21. aldarinnar er myntsamstarf ofarlega á baugi með hugleiðingum um upptöku Evru. Peningamálastefna á Íslandi hefur lengst af fylgt fastgengisstefnu með mismiklum sveigjanleika og á tímabilum má segja að Íslenska krónan hafi verið á floti svo örar voru gengisfellingar. Árið 2001 var gerð mikilvæg breyting á peningamálastefnu landsins sem fólst í upptöku verðbólgumarkmiðs og krónan sett á flot í kjölfarið.
    Aukið frelsi í fjármagnsflutningum á milli landa á níunda og tíunda áratugum síðustu aldar breytti þeim áherslum sem peningastefna þurfti að hafa til að ná árangri. En þekking á því hvað væri rétt í þeim efnum byggðist upp í kjölfar áfalla sem ýmsar þjóðir gengu í gegnum á tíunda áratugnum svo sem Mexikó, Skandinavíu þjóðirnar og ýmsar þjóðir í Asíu. Aukin áhersla á stærri gjaldeyrisforða og hlutverk hans til að stuðla að fjármálastöðuleika mátti sjá hjá þjóðum eins og Nýja Sjálandi og Ástralíu. Á Íslandi náði þessi stefna ekki uppá pallborðið hjá hagfræðingum Seðlabanka Íslands sem hafði afdrifaríkar afleiðingar í för með sér fyrir efnahagskerfi þjóðarinnar. Áhersla Seðlabanka Íslands á mjög þrönga útfærslu á peningastefnunni eða svokallaða “ Eitt markmið, eitt tæki” á að mati höfundar mjög stóran þátt í því hruni sem varð hér á landi árið 2008. Það dregur þó ekki úr ábyrgð stjórnenda og eigenda bankanna á hruninu.

Samþykkt: 
  • 12.1.2011
URI: 
  • http://hdl.handle.net/1946/7212


Skrár
Skráarnafn Stærð AðgangurLýsingSkráartegund 
BS ritgerð.pdf1.17 MBLokaðurHeildartextiPDF