is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7222

Titill: 
  • Áhrif niðurskurðar í heilbrigðiskerfinu á verkefni og hlutverk millistjórnenda
Námsstig: 
  • Meistara
Útdráttur: 
  • Tilgangurinn með þessari rannsókn er að kanna áhrif niðurskurðar í heilbrigðiskerfinu undanfarin ár á hlutverk og verkefni millistjórnenda. Rannsóknarspurningin sem unnið er með er eftirfarandi: Hvaða áhrif hefur niðurskurðarkrafa í heilbrigðiskerfinu á Íslandi á hlutverk og aðstæður millistjórnenda þar? Eigindleg rannsóknaraðferð er notuð og tekin viðtöl við sex millistjórnendur hjá þremur heilbrigðisstofnunum. Leitast er við að varpa ljósi á upplifun og reynslu millistjórnenda í heilbrigðisþjónustu og þau skilyrði sem þeim eru sett varðandi umboðsvald, fjármál og ákvarðanatöku. Jafnframt hvort þessi skilyrði hafa breyst í kjölfar niðurskurðarins. Einnig er fjallað um upplifun og reynslu þeirra af uppsögnum og spurt út í persónulega líðan þeirra í tengslum við samdrátt og niðurskurð.
    Fræðilegur bakgrunnur er annars vegar sóttur til rannsókna og skrifa um stjórnun skipulagsheilda og hlutverk stjórnenda. Þar er megináhersla lögð á að skoða líkan Mintzberg um hlutverk stjórnenda. Hins vegar er fjallað um rannsóknir og skrif um niðurskurð og áhrif hans á skipulagsheildir og einstaklinga, sérstaklega stjórnendur.
    Niðurstöður benda til þess að hlutverk þessara millistjórnenda hafi ekki breyst mikið í kjölfar niðurskurðarins. Þeir eru í stórum dráttum að sinna sömu verkefnum og áður. Það sem hefur helst breyst er annars vegar eðli starfsins, þar sem áður fór mikill tími í að huga að uppbyggingu deilda og þjónustu þá upplifa viðmælendur að mestur tími fari í að útfæra tillögur til að minnka þjónustu og umsvif deilda án þess að það leiði til mikilla uppsagna og þannig að það hafi sem minnst áhrif á skjólstæðinga. Hins vegar finna allir viðmælendur fyrir því að tími þeirra til stjórnunarstarfa hefur dregist verulega saman, ekki síst vegna þess að þeir eyða sífellt stærri hluta vinnutíma síns í að sinna almennum verkefnum, sem undirmenn þeirra sinntu áður. Á sama tíma eru einnig gerðar kröfur til þeirra að sinna stjórnunarstörfum meira, bæði frá yfirmönnum varðandi útfærslu á niðurskurðartillögum og undirmönnum, sem margir hverjir eiga í vandræðum vegna aukins álags, verri kjara og vaxandi óöryggis. Viðmælendur hafa ekki mikla reynslu af uppsögnum en þeir sem hafa þurft að segja upp undirmönnum sínum lýsa meiri vanlíðan en hinir.

Samþykkt: 
  • 12.1.2011
URI: 
  • http://hdl.handle.net/1946/7222


Skrár
Skráarnafn Stærð AðgangurLýsingSkráartegund 
MS_Elis_Reynarsson.pdf2.73 MBOpinnHeildartextiPDFSkoða/Opna