Mannauðsstjórnun í Elkem Ísland

Abstract

Ritgerð þessi er BS lokaverkefni í viðskiptafræði og er viðfangsefni hennar mannauðsstjórnun í Elkem Ísland. Elkem er fyrirtæki sem framleiðir kísiljárn og hefur verið starfandi síðan árið 1979. Höfundur þekkir vel til fyrirtækisins þar sem hann hefur starfað í framleiðsludeild þess síðastliðin 10 ár, þó aðallega í afleysingum. Könnun var lögð fyrir starfsmenn framleiðsludeildar fyrirtækisins til þess að höfundur gæti áttað sig betur á mannauðsmálum í fyrirtækinu. Spurningar í könnuninni voru sniðnar út frá hvatakenningum mannauðsstjórnunar en að auki voru aðrar sambærilegar kannanir hafðar til hliðsjónar. Í ritgerðinni kemur höfundur með ályktanir út frá niðurstöðum könnunarinnar ásamt því að velta fyrir sér mannauðsfræðunum í því samhengi. Einnig kemur höfundur með nokkrar ábendingar og hugmyndir til skipulagsheildarinnar. Helstu niðurstöður starfmannakönnunarinnar sýna að fyrirtækið notast lítið við hvatningakerfi í starfsmannamálum og er það persónubundið eftir því hvaða yfirmaður á í hlut hversu mikil hvatning er notuð. Fyrirtækið er í einhverjum mæli að nota aðferðir frammistöðustjórnunar og fer þeim aðferðum vaxandi. Örar breytingar í umhverfi þess virðast kalla á aðrar aðferðir í stjórnun breytinga hjá fyrirtækinu, þ.e. í sambandi og samskiptum við starfsmenn. Starfsmannavelta er nokkur en það er þó erfitt að leggja afgerandi mat á slíkt vegna mikillar fjölgunar starfsfólks undanfarin ár.