Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/733
Lengi hefur verið umræða á opinberum vettvangi um neikvæð áhrif áfengisneyslu á
hegðun og atferli neytenda og umfjöllun virðist gefa til kynna að oft megi rekja
ofbeldisverk, skemmdarverk, umferðarlagabrot og kynferðisafbrot til áfengisneyslu.
Í kjölfar þess hafa vaknað spurningar um þann menningarlega skilning sem fólk hefur á
áfengisneyslu, og hvernig afbrotamenn sem undir áhrifum hafa annaðhvort orðið fyrir eða
ollið tjóni eru meðhöndlaðir í menningarlegum og réttarfarslegum skilningi. Algengt er
að hver sá sem hefur sýnt af sér afbrigðilega hegðun bregði fyrir sig þeirri afsökun að
hann hafi verið undir áhrifum, líkt og það sé ákveðin réttlæting á gjörðum hans. Vissar
vísbendingar eru um að í menningarlegum skilningi sé áfengisneysla orðin að afsökun
fyrir frávikahegðun, sem kallar á spurningar um hvort einhverskonar meðaumkun sé að
finna innan samfélagsins í garð þeirra sem hafa brotið af sér undir áhrifum. Þessi ritgerð
skoðar þau tengsl sem kunna að finnast á milli áfengisneyslu og afbrotahegðunnar og
beinir sjónum sínum sérstaklega að skoðunum ungmenna á Íslandi. Einnig er vakin
athygli á þeim menningarlegu sjónarmiðum sem túlka má útfrá niðurstöðum ýmissa
erlendra og innlendra rannsókna. Í ljós kom að greinileg fylgni var á milli áfengisdrykkju
og þess að lenda í vandamálum hjá 10.bekkjar nemendum á Íslandi, og meirihluti þeirra
sem lentu í vandamálum sögðu það hafa verið vegna áfengisneyslu. Þá töldu nemendur
áfengisneyslu stuðla að því fólk gerði eitthvað sem það myndi sjá eftir, hún kallaði á
vanlíðan og væri heilsuspillandi. Á hinn bóginn er ekki hægt að sanna að áfengisneysla sé
túlkuð sem afsökun fyrir afbrotahegðun, en rannsóknir hafa gefið til kynna að fólk geri
nokkurn greinarmun á því hvort tjónvaldur var undir áhrifum eða ekki, og sýni þá
meðaumkun til þess drukkna.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Viðauki.pdf | 1.57 MB | Opinn | Áfengisneysla - viðauki | Skoða/Opna | |
Áfengi sem orsök afbrota.pdf | 1.82 MB | Opinn | Áfengisneysla - heild | Skoða/Opna | |
Efnisyfirlit.pdf | 74.72 kB | Opinn | Áfengisneysla - efnisyfirlit | Skoða/Opna | |
Heimildaskrá.pdf | 140.52 kB | Opinn | Áfengisneysla - heimildaskrá | Skoða/Opna | |
Útdráttur.pdf | 75.8 kB | Opinn | Áfengisneysla - útdráttur | Skoða/Opna |