EnglishisÍslenska

Member institutions

Search in


ThesisUniversity of Iceland>Hugvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/7371

Title
is

Á bólakaf í blaðaútgáfu. Útgáfa og ritstjórn menningartímaritsins Spássíunnar árið 2010

Published
January 2011
Abstract

Sumarið 2010 réðst ég, Ásta Gísladóttir, ásamt Auði Aðalsteinsdóttur í það verkefni að gefa út menningartímarit fyrir íslenskan markað. Við erum báðar bókmenntafræðingar, höfðum starfað saman við ýmis menningartengd verkefni um all langt skeið og lengi gengið með þann draum í maganum að stofna tímarit. Við höfðum takmörkuð fjárráð og lítinn tíma til að ýta verkefninu úr vör en beittum engu að síður öllum brögðum og tókst að koma nýju tímariti á markað. Þetta ferli reyndist mjög lærdómsríkt og þótt við byggjum báðar yfir einhverri þekkingu sem tengdist útgáfu var bæði ábyrgðin sem fylgdi henni svo og þau mýmörgu smáatriði sem að þurfti að huga okkur algjör opinberun. Ritstjórnin skipaði stóran sess í okkar starfi svo og öll fjármögnun. Við vorum strax með ákveðna línu hvað varðaði tengsl við auglýsendur og skyldur okkar gagnvart lesendum. Við þurftum að kynna okkur hönnun og hönnunarmöguleika sem voru okkur áður óþekktir og prófa okkur áfram með uppsetningar texta. Einnig reyndi á færni okkar sem stjórnendur þegar kom að því að vinna með verktökum. Verkaskiptingin kom nokkurn veginn af sjálfu sér og er fjármála- og hönnunarhliðin nokkurn veginn í mínum verkahring á meðan Auður hefur tekið hugmyndavinnuna meira á sína arma svo og séð um stærri viðtöl sem tekin eru fyrir tímaritið. Viðtökur hafa verið góðar en fjármögnunin gengur hægt. Sérstaklega mætti auglýsingasalan ganga betur en þó sjáum við þess merki að hún sé að taka við sér. Í byrjun árs 2011 höfum við gefið út þrjú tölublöð og ætlum að halda ótrauðar áfram. Við ætlum að byggja á þeirri reynslu og þeirri velvild sem skapast hefur síðasta hálfa árið og finna leiðir til að víkka út starfsemina og koma enn betur til móts við lesendur okkar.

Issued Date
20/01/2011


Artifacts
Name[Sortable]Size[Sortable]Visibility[Sortable]Description[Sortable]Format
lokaritgerð.pdf15.2MBLocked Complete Text PDF  

Note: Inniheldur lokaritgerð og þrjú tölublöð af Spássíunni en það nýjasta er enn í sölu.