EnglishisÍslenska

Member institutions

Search in


ThesisUniversity of Iceland>Heilbrigðisvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/7562

Title
is

Stuðningur við jákvæða hegðun (PBS): Árangursmat með beinum áhorfsmælingum

Published
February 2011
Abstract
is

Í þessari ritgerð er fjallað um niðurstöður rannsóknar, þar sem árangursmat var gert með beinum áhorfsmælingum til að meta árangur af hegðunarstjórnunarkerfinu „Stuðningur við jákvæða hegðun“ (Positive behavior support (PBS)), í þremur grunnskólum í Reykjanesbæ. Rannsóknin er hluti af langtímarannsókn sem hófst haustið 2007 og mun taka um 5 ár. Markmið þessa hluta var að koma rannsókninni af stað og taka grunn- og inngripmsælingar á fyrstu tveimur árum rannsóknarinnar. PBS er heildstætt hegðunarstjórnunarkerfi, sem gefur skólanum í heild, kennurum, nemendum og öðru starfsfólki tækifæri til að vinna sameiginlega að því að skapa gott og hvetjandi náms- og vinnuumhverfi án hegðunarvanda. Helstu niðurstöður mælinganna eru að dregið hefur úr óviðeigandi hunsun eftir að inngrip hófst á öllum aldursstigum, í skólanum þar sem innleiðing var hafin, bæði í kennslustofu og á almennum svæðum. Óæskileg hegðun nemenda hefur einnig minnkað í skólanum þar sem inngrip var hafið í öllum árgöngum, í öllum tilvikum nema einu, þar sem hún jókst lítillega. Hlutfall jákvæðrar athygli minnkaði að meðaltali oftar, eða stóð í stað eftir að inngrip hófst og er það óvænt niðurstaða og gagnstæð markmiði inngripsins. Ekki mátti greina sýnilegan mun á niðurstöðum milli skóla. Mikill breytileiki er á hlutfalli ólíkrar hegðunar, eins og sjá má bæði með sjónrænni greiningu á gögnunum og þegar spönnin er skoðuð.

Issued Date
15/02/2011


Artifacts
Name[Sortable]Size[Sortable]Visibility[Sortable]Description[Sortable]Format
Ragnheidur_Sif_Gun... .pdf2.73MBOpen Complete Text PDF View/Open