Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/757
Markmið þessarar ritgerðar er að varpa ljósi á það hvaða vitneskju kennari með enga eða litla þekkingu á einingakubbum þarf að hafa til að geta unnið markvisst með börnum á því sviði. Upp úr ritgerðinni vann ég handhægan upplýsingabækling fyrir kennara til að vekja áhuga á einingakubbum og jafnvel ýta undir markvisst starf með kubbana í þeim leikskólum þar sem þeir eru til en ekki mikið notaðir. Einnig vona ég að bæklingurinn nýtist foreldrum til að kynnast því hvað einingakubbar hafa upp á að bjóða.
Caroline Pratt hannaði einingakubba með það í huga að búa til sveigjanlegt og aðhæfanlegt leikefni sem börn gætu notað án stýringar. Stigskipt þróun á sér stað í kubbaleik líkt og í teikningum barna og koma einingakubbar inn á ýmsa náms- og þroskaþætti eins og: líkamsþroska, félags- og tilfinningaþroska, málþroska, samfélagsfræði, stærðfræði, vísindi og listir. Kennarinn er lykilatriði þegar kemur að markvissu starfi með einingakubba og fer það eftir áhuga hans og skilningi á efniviðnum hvernig til tekst. Hann á að efla sjálfstæð vinnubrögð barnanna, vera þeim innan handar og leiða áfram með opnum spurningum. Hlutverk kennarans felst einnig í því að huga að rými fyrir kubbaleik, fjölda og úrvali kubba fyrir hvern aldurshóp, bjóða upp á viðbótarefnivið þegar við á og úthluta börnunum tíma á kubbasvæðinu. Í frágangi er einnig hægt að koma inn á ýmsa náms- og þroskaþætti og þar spilar kennarinn einnig stórt hlutverk.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Einingakubbar.pdf | 9.68 MB | Opinn | Heildarverkefni | Skoða/Opna | |
Baeklingur_ggr.pdf | 6.46 MB | Opinn | Bæklingur | Skoða/Opna |