is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7771

Titill: 
  • Ábyrgð á birtu efni á Internetinu
Námsstig: 
  • Bakkalár
Leiðbeinandi: 
Útdráttur: 
  • Á örskömmum tíma hefur orðið bylting á tölvu- og fjarskiptasviðinu sem hefur opnað fyrir mannkyni nýjan víddir. Með hjálp tölvunnar hafa landamæri verið afmáð. Netið hefur opnað fyrir fólki nýja heima sem áður virtust í órafjarlægð. En Netið er ekki gallalaust, nema síður sé.
    Því er oft haldið á lofti í umræðum um vefmiðlana, að á þeim grasseri alls kyns ærumeiðingar og dónaskapur sem annað hvort er skrifaður undir dulnefni eða er hreinlega nafnlaus. Þess stóra misskilnings hefur líka gætt að vegna þess að þetta efni sé á Netinu þá gildi allt aðrar reglur um það, t.d. varðandi ærumeiðingar o.fl.
    Samkvæmt almennum hegningarlögum nr. 19/1940 liggur refsing við ærumeiðandi ummælum og skv. skaðabótalögum nr. 50/1993 má dæma menn til greiðslu miskabóta, eftir atvikum, ef við á. Þessi úrræði eiga við óháð því hvert birtingarform hinna ærumeiðandi ummæla er. Þess vegna eiga allir að vera ábyrgir orða sinna, hvar og hvernig sem þau birtast.
    Í ritgerð þessari verður fjallað um það hver beri hina formlegu ábyrgð á ærumeiðandi efni sem birtist á Netinu. Rætt verður um hugsanlega ábyrgð höfundar, þegar vitað er hver hann er. Í því samhengi verður einnig sýnt fram á að oft er miklum vandkvæðum bundið að komist að því hver höfundurinn er.
    En þegar ekki er vitað um höfund efnis vandast málið. Kannað verður hvort lögjöfnun frá ábyrgðarröð prentlaga nr. 57/1956 (hér eftir nefnd prl.) sé mögulega tæk. Einnig verður fjallað um hugsanlega sjálfstæða ábyrgð milligönguaðila og ýmis álitamál því tengd sem gera það að verkum að almennt standi reglur gegn ábyrgð milligönguaðila á Netinu.
    Þetta verður þungamiðja umfjöllunar minnar. Í kafla tvö verður að auki fjallað lítillega um samspil tjáningarfrelsis og ærumeiðinga og tengsl þess við ærumeiðingar.
    Tilkoma Netsins í tengslum við ærumeiðingar býður upp á fjölda lögfræðilegra álitaefna. Því fer víðs fjarri að þeim sé öllum gerð viðhlítandi skil í stuttri ritgerð sem þessari. Sennilega má þó segja að helstu álitaefnin séu annars vegar álitaefnið um það hver beri hina formlegu ábyrgð og hins vegar álitaefnin um lögsöguna. Að auki mætti nefna reglur um varnarþing, refsilögsögu, lagaskil o.fl. sem verða ekki gerð frekari skil í ritgerð þessari.
    Þess ber að geta að tiltölulega lítið hefur verið skrifað um þetta viðfangsefni á íslensku og einnig hafa fáir dómar gengið varðandi efnið.

Samþykkt: 
  • 24.3.2011
URI: 
  • http://hdl.handle.net/1946/7771


Skrár
Skráarnafn Stærð AðgangurLýsingSkráartegund 
Gudmundur_Njall_Gudmundsson.pdf409.75 kBOpinnHeildartextiPDFSkoða/Opna