is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7876

Titill: 
  • Kæruheimildir í stjórnsýslu. Úrskurðarnefndir
Námsstig: 
  • Bakkalár
Útdráttur: 
  • Efni þessarar ritgerðar er kæruheimildir í stjórnsýslunni og verður sérstaklega fjallað
    um úrskurðarnefndir og kæruheimild til þeirra.
    Úrskurðarnefndir eru stór hluti af íslenskri stjórnsýslu í dag og gegna veigamiklu hlutverki er kemur að töku stjórnvaldsákvarðana. Fjöldi fólks leitar til úrskurðarnefnda á ári hverju til að fá leyst úr málum sínum. Þegar skoðaðar eru kæruheimildir íslenskrar stjórnsýslu verður vart hjá því komist að taka eftir því að margar ákvarðanir stjórnvalda skulu lögum skv. kærðar til úrskurðarnefnda í stað ráðuneyta. Það er því tilvalið að skoða starfsemi úrskurðarnefnda í ritgerð sem fjalla á um kæruheimildir í stjórnsýslunni þar sem um er að ræða veigamikið úrræði á því sviði þ.e. ákvarðanatöku úrskurðarnefnda.
    Úrskurðarnefndum hefur fjölgað ört á síðustu árum og ekki eru allir sammála um hvort um sé að ræða jákvæða eða neikvæða þróun innan stjórnsýslunnar þ.e. að taka úrskurðarvaldið frá ráðherrum og færa það yfir til nefnda. Með fjölgun nefndanna færist kæruheimild borgaranna frá ráðherra til úrskurðarnefnda og hafa þær því endanlegt úrskurðarvald. Um þetta verður fjallað nánar hér á eftir.
    Fyrst verður fjallað almennt um kæruheimildir innan stjórnsýslunnar eins og efni ritgerðarinnar gefur tilefni til þ.á.m. um stjórnsýslukæru og hina almennu kæruheimild stjórnsýslulaga nr. 37/1993 (hér eftir stjórnsýslulög).
    Í aðalkafla ritgerðarinnar, sem ber heitið úrskurðarnefndir í stjórnsýslu, verður svo umfjöllun um úrskurðarnefndirnar sjálfar. Þar verður almennt rakið hvernig þær starfa, hvernig þeim er komið á fót, fjallað um kæruheimild til nefndanna, stöðu þeirra gagnvart ráðherra og síðast en ekki síst þróun þeirra síðastliðin ár. Velt verður upp ýmsum rökum sem fram hafa komið varðandi það hvort kæruheimild borgara sé betur borgið þegar ráðherra fer með endanlegt úrskurðarvald eða þegar valdið er í höndum úrskurðarnefndar.
    Reifaðir verða dómar og álit umboðsmanns Alþingis og einnig verða tekin dæmi úr stjórnsýslunni til að sýna fram á starfsemi úrskurðarnefnda í framkvæmd.
    Í lok ritgerðarinnar verður efni hennar tekið saman stuttlega og fjallað um það helsta sem fram hefur komið í köflunum að framan.

Samþykkt: 
  • 13.4.2011
URI: 
  • http://hdl.handle.net/1946/7876


Skrár
Skráarnafn Stærð AðgangurLýsingSkráartegund 
rigerða.pdf321.59 kBLokaðurMeginmálPDF
BA - forsíða.pdf30.74 kBLokaðurForsíðaPDF