is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8049

Titill: 
  • Orðræðan um starfshætti barnaverndar í fjölmiðlum. Hvað einkennir orðræðuna og hvernig birtist hún almenningi?
Námsstig: 
  • Bakkalár
Útdráttur: 
  • Eftirfarandi ritgerð er rannsókn sem unnin er af tveimur nemendum við Háskóla Íslands í félagsráðgjöf. Ritgerðin er 12 eininga lokaverkefni til BA-prófs og fjallar um orðræðu um starfshætti barnaverndar í fjölmiðlum og netheimum. Megintilgangur ritgerðarinnar er að varpa ljósi á þá umfjöllun sem birtist í fjölmiðlum í þessum viðkvæma málaflokki. Einnig hvað einkennir orðræðuna og hvernig hún birtist almenningi. Aðferðin sem beitt var við rannsóknina er orðræðugreining og var notast við greinasafn Morgunblaðsins og Fréttablaðsins ásamt spjallsvæðinu Er.is. Tímabilið sem rannsakendur könnuðu eru árin 2005–2010.
    Viðfangsefni rannsóknarinnar er mikilvægt að mati rannsakenda, þar sem starfshættir barnaverndar eru oft til umfjöllunar í fjölmiðlum. Starfshættir barnaverndar varðar einkalíf fólks og viðkvæm málefni og vakti því áhuga að kanna þá orðræðu er birtist í fjölmiðlum um starfshætti þeirra og hvernig hún birtist almenningi. Niðurstöðum var skipt niður í meginþemu og eru þau eftirfarandi: Fortíðardraugar varpa skugga á barnaverndarstarf fyrr og nú, Barnavernd og fjölmiðlar, Orðræða: Ólík sjónarmið og valdið og að lokum er það Orðræðan í netheimum um starfshætti barnaverndar. Niðurstöður leiddu í ljós að barnaverndarstarfsmenn og forsvarsmenn barnaverndar stíga fram í kjölfar neikvæðrar umfjöllunar sem birst hefur almenningi í fjölmiðlum. Aðstandendur eru áberandi í umræðunni, þar sem þeir koma fram, margir undir nafni, og segja frá því hvernig staðið var að málum þeirra eða nákominna ættingja þeirra. Niðurstöður leiddu einnig í ljós ólík sjónarmið gagnvart starfsháttum barnaverndar, hvort sem um var að ræða í fréttablöðunum tveimur eða í netheimum.

Samþykkt: 
  • 29.4.2011
URI: 
  • http://hdl.handle.net/1946/8049


Skrár
Skráarnafn Stærð AðgangurLýsingSkráartegund 
Orðræðan um starfshætti barnaverndar í fjölmiðlum.pdf833.54 kBOpinnHeildartextiPDFSkoða/Opna