Það er Andinn sem gefur líf. Thomas Cranmer og altarissakramentisskilningurinn í bók hans An Answer

Abstract

Thomas Cranmer (1489-1556)(Tómas Cranmer, Cranmerus) var lykilmaður í ensku siðbótinni. Hann var fyrsti erkibiskupinn af Kantaraborg (Canterbury) sem aðhylltist siðbótina. Á valdatíma sínum vann hann með skipulögðum hætti að því að koma siðbótinni í framkvæmd í ensku kirkjunni. Árið 1551 gaf Cranmer út bókina „An Answer Unto A Crafty and Sophistical Cavillation, Devised By Stephen Gardiner“ þar sem hann útskýrði og varði hinn nýja sakramentisskilning Biskupakirkjunnar. Bókin skiptist í fimm hluta:Um sakramentin í hinni nýju ensku kirkjuUm nærveru Krists í sakramentunumUm neyslu kvöldmáltíðarefnannaGegn eðlisbreytingarkenningunniUm kvöldmáltíðina og fórn KristsSíðustu breytingarnar á bókinni gerði Cranmer rétt fyrir dauða sinn en hann var brenndur fyrir villutrú árið 1556 eftir að kaþólikkar komust aftur til valda á Englandi um skamman tíma.