EnglishisÍslenska

Member institutions

Search in


ThesisUniversity of Akureyri>Viðskipta- og raunvísindasvið>B.S. verkefni>

Please use this identifier to cite or link to this item: http://hdl.handle.net/1946/838

Title
is

Þróun íbúðaverðs : innkoma banka og sparisjóða á íbúðalánamarkað

Abstract
is

Í þessari skýrslu er rædd staða íbúðalánamarkaðsins hér á landi og með hvaða
hætti hann hefur breyst síðustu ár. Íbúðalán hafa að miklu leyti verið í höndum
hins opinbera þar til í ágústlok árið 2004 þegar varð breyting á og bankar og
sparisjóðir ákváðu að veita almenningi íbúðalán með lægri vöxtum en áður
höfðu sést hér á landi. Skömmu áður, þann 1. júlí 2004 hafði Íbúðalánasjóður
hækkað lánshlutfall sitt í 90% úr 65%, lækkað vexti úr 5,1% í 4,8% og hækkað
hámarkslánsupphæðir umtalsvert. Þetta þykir ekki ólíkleg ástæða banka og
sparisjóða til að koma inn á íbúðalánamarkað þar sem að með þessu útspili
Íbúðalánasjóðs lækkaði þeirra hlutdeild af íbúðalánum landsmanna en fram að
þessu höfðu þeir átt allt að 30-35% markaðshlutdeildar ásamt lífeyrissjóðum
landsins. Gerð er grein fyrir þeim aðilum sem eru á íbúðalánamarkaði og því
sem þeir hafa upp á að bjóða fyrir lántakendur. Lagðar voru spurningar fyrir
hlutaðeigendur, með misjöfnum svarárangri, þar sem beðið var um svör
varðandi lánin sem standa almenningi til boða. Einnig var rætt við nokkra aðila
úr bankageiranum til að komast að því hvernig bankarnir fjármagna íbúðalán
sín. Í framhaldi af því eru nokkur lánaform sem eru í boði hér á landi tíunduð
og einkennum þeirra lýst auk þess sem sambærileg lán lánastofnana eru borin
saman. Þá er þróun íbúðaverðs rædd, hverjir hugsanlegir áhrifavaldar þeirrar
þróunar eru eins og aðgengi að lánsfjármagni, lóðaframboð og lóðaverð og að
lokum er þróun íbúðaverðs í samanburði við byggingarvísitölu skoðuð. Helsta
niðurstaða skýrslunnar er sú að aðstæður á íbúðalánamarkaði hafa breyst
gífurlega auk þess sem íbúðaverð hefur hækkað verulega með tilkomu banka
og sparisjóða á íbúðalánamarkað.
Lykilorð: íbúðalán, íbúðalánamarkaður, lánaform, lánakjör, þróun íbúðaverðs.

Comments
is

Verkefnið er opið nemendum og starfsfólki Háskólans á Akureyri

Issued Date
01/01/2007


Artifacts
Name[Sortable]Size[Sortable]Visibility[Sortable]Description[Sortable]Format
Efnisyfirlit1.pdf27.6KBOpen Þróun íbúða - efnisyfirlit PDF View/Open
Heimildaskrá.pdf62.0KBOpen Þróun íbúða - heimildaskrá PDF View/Open
Microsoft Word - Þ... .pdf483KBMembers Þróun íbúða - heild PDF  
Útdráttur.pdf14.6KBOpen Þróun íbúða - útdráttur PDF View/Open