EnglishisÍslenska

Member institutions

Search in


ThesisUniversity of Iceland>Hugvísindasvið>B.A. verkefni>

Please use this identifier to cite or link to this item: http://hdl.handle.net/1946/8393

Title
is

Land án járnbrauta. Tilraunir Íslendinga til járnbrautavæðingar

Published
May 2011
Abstract
is

Ritgerðin fjallar um tilraunir til að koma á fót járnbrautarsamgöngum á Íslandi. Markmiðið er að rannsaka hversvegna slíkar járnbrautir hafa aldrei verið hluti af samgöngum Íslendinga hverjar ástæðurnar eru fyrir því að Íslendingar hafa aldrei ráðist í framkvæmdir við járnbrautalestir. Í ritgerðinni verður áherslan lögð á þær tilraunir sem gerðar voru og mennina sem að stóðu á bak við þær, ásamt því að sýna fram á ástæður þess að þeim tekst ekki ætlunarverk sitt. Fyrstu tilraunirnar fóru fram árið 1894 og stóðu svo með litlum hléum til árisins 1930. Mikill framfarahugur var í Íslendingum á þessum tíma og töldu margir að járnbrautasamgöngur væru eina leiðin í átt að aukinni hagsæld og æðra menningarstigi fyrir Íslendinga. Járnbrautarmálin urðu oft nokkurskonar bitbein milli þeirra sem kölluðu sig framfarasinna og þeirra sem voru álitnir afturhaldsseggir. Í lokinn fjallar er fjallað um þreifingar í átt að járnbrautarlagningu frá 1980 til ársins 2002 en nánast ekkert var fjallað um járnbrautir á opinberum vettvangi frá 1930 til 1980 og fær það tímabil því enga umfjöllun í ritgerðinni.
Niðurstöður leiða í ljós að það sem helst stóð í vegi fyrir járnbrautarlagningu á Íslandi var ótti ráðamanna við þann mikla kostnað sem leggja þurfti út í til að byrja með, í bland við lélegan undirbúning frumvarpa og ónákvæmar og langdregnar rannsóknir. Á seinni hluta nítjándu aldar og í upphafi þeirrar tuttugustu var Ísland ekki auðugt land og því farið varlega í fjárútlát þrátt fyrir að von væri á að framkvæmdir borguðu sig síðar. Í lok tutugustu aldar og í byrjun þeirrar tuttugustu og fyrstu höfðu Íslendingar þó úr mun meira fjármagni að spila en samt komust framkvæmdir ekki á dagskrá vegna svipaðra ástæðna og stóðu í vegi fyrir framkvæmdum liðlega 100 árum fyrr.

Issued Date
10/05/2011


Artifacts
Name[Sortable]Size[Sortable]Visibility[Sortable]Description[Sortable]Format
Land án járnbrauta... .pdf483KBOpen Complete Text PDF View/Open