Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/9244
Barnavernd – Handbók fyrir starfsfólk í leikskóla er lokaverkefni til B.Ed. gráðu í leikskólakennarafræði við Háskóla Íslands – Menntavísindasvið. Lokaverkefnið inniheldur handbók um barnavernd og greinargerð sem fylgir handbókinni. Í handbókinni koma fram mikilvægar upplýsingar fyrir starfsfólk varðandi barnavernd. Markmið handbókarinnar er að upplýsa starfsfólk í leikskólum um ferli barnaverndarmála og hverjar eru skyldur starfsfólks gagnvart börnunum samkvæmt barnaverndarlögum. Í handbókinni er fjallað um skilgreiningar á ofbeldi og vanrækslu og hvaða líkamleg og andleg einkenni geti komið fram hjá börnum sem verða fyrir slíku ofbeldi. Árvekni og viðbrögð starfsfólks leikskóla skipta því miklu fyrir velferð og vellíðan barns. Í handbókinni eru leiðbeiningar um það hvernig bregðast skuli við í slíkum aðstæðum. Í greinargerðinni er fjallað um ábyrgð og skyldur foreldra, leikskólakennara og annarra sem koma að uppeldi og menntun barna. Þar er jafnframt fjallað um birtingarmyndir vanrækslu, ofbeldis og áhættuhegðunar hjá börnum. Oft eru áhrif ofbeldis dulin og koma ekki fram fyrr en á fullorðinsárum en afleiðingar ofbeldis geta einnig komið fram í hegðun barnsins hér og nú. Því fyrr sem kemst upp um vanrækslu eða ofbeldi og barn fær tækifæri til að vinna úr reynslu sinni því minni verða langtímaafleiðingarnar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Barnavernd - handbók fyrir starfsfólk leikskóla.pdf | 399.96 kB | Lokaður | Handbók | ||
Greinagerð með Barnavernd-handbók fyrir starfsfólk í leikskóla.pdf | 266.14 kB | Opinn | Greinargerð | Skoða/Opna |