is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/9288

Titill: 
  • Samanburðarrannsókn á hreyfiþroska 4-6 ára barna frá Íslandi og Úganda
Námsstig: 
  • Bakkalár
Útdráttur: 
  • Í þessari ritgerð er hreyfiþroski 4-6 ára íslenskra og úganskra barna rannsakaður og niðurstöður bornar saman. Notast er við MOT 4-6 hreyfiþroskaprófið til að meta hreyfiþroskann. Rannsóknin er megindleg. Prófuð voru 100 börn í Úganda, og af þeim voru 53 sem gátu talist með vegna aldurs, en 35 börn voru prófuð á Íslandi, þar af 30 sem voru skráð á réttan aldur. Niðurstöður segja ekki til um marktækan mun á heildarniðurstöðum en marktækur munur fannst á 7 stöðvum. Þar var hreyfiþroski íslenskra barna betri á 4 stöðvum sem tóku á jafnvægi, almennri samhæfingu, samhæfingu augna og fóta, rúmskyni og stökkkrafti. Á stöð sem mældi grunn-jafnvægi og samhæfingu augna og fóta mældust íslensku krakkarnir að meðaltali með 0,53 stig af 2 mögulegum en börnin frá Úganda með 0,13 stig (P< 0,01). Á stöð þar sem rúmskyn og samhæfing barnanna var könnuð mældust íslensku börnin með 1,83 stig en börnin frá Úganda að meðaltali með 1,30 stig (P< 0,01). Á stöð sem tók á hopp og stökkkraft barnanna mældust íslensku krakkarnir með 1,87 stig á meðan börnin frá Úganda mældust með 1,53 stig (P< 0,01). Á stöð sem kannaði jafnvægi og samhæfingu skoruðu íslensku börnin 1,67 stig en þau úgönsku 1,38 stig (P< 0,05). Á tveimur stöðvum mældust börnin frá Úganda með betri hreyfiþroska. Þær stöðvar tóku aðallega á líkamsstyrk, almennri samhæfingu og samhæfingu augna og handa. Á stöð sem tók á samhæfingu augna og handa skoruðu börnin frá Úganda 1,60 stig en íslensku börnin 0,7 stig (P< 0,01). Á stöð sem kannaði styrk í búk og samhæfingu skoruðu börnin frá Úganda 1,81 stig en íslensku börnin 1,5 stig (P< 0,01). Munur á milli kynja var ekki marktækur þótt að drengir frá Úganda hefðu staðið sig betur en stúlkurnar þaðan og bæði kynin frá Íslandi. Meðalaldur barnanna frá Íslandi var 6,59 ár en meðalaldur barnanna frá Úganda var 6,04 ár.

Athugasemdir: 
  • Samanburður á hreyfiþroska 4-6 ára barna frá Íslandi og Úganda
Samþykkt: 
  • 21.6.2011
URI: 
  • http://hdl.handle.net/1946/9288


Skrár
Skráarnafn Stærð AðgangurLýsingSkráartegund 
LOKARITGERÐ B.S. MARÍANNA ÞÓRÐARDÓTTIR. lokafæll..pdf1.09 MBOpinnHeildartextiPDFSkoða/Opna
Fylgiskjöl 1.nýrra.pdf210.13 kBOpinnFylgiskjölPDFSkoða/Opna
Fylgiskjöl 2.nýrra.pdf52.66 kBOpinnFylgiskjölPDFSkoða/Opna
Fylgiskjal 3 - MOT Úganda.pdf173.95 kBOpinnFylgiskjölPDFSkoða/Opna
Fylgiskjal 4 - Stigagjöf.pdf94.1 kBOpinnFylgiskjölPDFSkoða/Opna