is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/9439

Titill: 
  • „Hátt upp í fjöllunum, þar búa tröllin“ : greinargerð og handbók með þjóðsögum og hugmyndum að verkefnum
Námsstig: 
  • Bakkalár
Útdráttur: 
  • Þetta lokaverkefni er unnið til B. Ed. – prófs við Háskóla Íslands, Menntavísindasvið, vor 2011. Verkefninu er skipt upp í tvö hluta, fyrri hlutinn er greinargerð og seinni hlutinn er handbók. Viðfangsefni verkefnisins er handbók fyrir leikskólakennara sem inniheldur fimm tröllasögur og stutta umfjöllun um tröll og fræðslu um þau. Einnig er þar að finna kennsluhugmyndir og leiðir til þess að vinna með börnum, en þær miðast við alla námsþætti Aðalnámskrár leikskóla.
    Þjóðsögurnar sem valdar voru eru ætlaðar börnum á aldrinum tveggja til fimm ára og eru þær úr safni Jóns Árnasonar, Íslenzkar þjóðsögur og ævintýri. Þjóðsögurnar fjalla allar um tröll og eiga að sýna mismunandi myndir af tröllum. Þá er átt við tröll sem eru mannætur, tröll sem gera samkomulag við menn, tröll sem hefna sín á mönnum, tröll sem lokka til sín menn í tröllabúskap og tröll sem verða ástfangin af mönnum. Þegar unnið er með sögurnar eiga börn að fá skilning á því hversu mismunandi tröllin voru.
    Greinargerðin, sem fylgir handbókinni, fjallar um hvernig unnið er með handbókina samkvæmt öllum námsþáttum Aðalnámskrár leikskóla og lögum um leikskóla. Einnig er fjallað um fjölgreindarkenningu Howards Gardners og hvernig hægt er að tengja hana við kennsluna með handbókinni. Markmið verkefnisins er að vekja áhuga barna á þjóðsögum Íslendinga og auka þekkingu þeirra á íslenskri tungu og lifnaðarháttum þjóðarinnar.

Samþykkt: 
  • 23.6.2011
URI: 
  • http://hdl.handle.net/1946/9439


Skrár
Skráarnafn Stærð AðgangurLýsingSkráartegund 
Hatt_upp_i_fjollunum,_þar_bua_trollin-Kristrun_Osk.pdf540.64 kBOpinnHeildartextiPDFSkoða/Opna