EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>B.A./B.Ed. verkefni>

Please use this identifier to cite or link to this item: http://hdl.handle.net/1946/965

Title
is

Hvar sem lítið lautarblóm langar til að gróa : rannsóknarritgerð um lífsleikni

Abstract
is

Í ljósi umræðna í samfélaginu um aga- og siðleysi í skólum á undanförnum árum hefur áhugi á lífsleikni farið vaxandi og kemur hún meðal annars fram í aðalnámskrám allra skólastiga sem menntamálaráðuneytið gaf út 1999.
Í verkefninu er greint frá rannsókn sem unnin var í tengslum við þróunarverkefnið Lífsleikni í leikskóla sem er samstarfsverkefni þriggja leikskóla á Akureyri. Rannsóknin svarar spurningunni hvort munur er á samskiptum barna í leikskóla þar sem markvisst er unnið með lífsleikni og öðrum leikskólum. Til þess að leita svara við spurningunni er fjallað um hugtakið lífsleikni, og þroskaþætti sem það snertir. Það eru þeir þroskaþættir sem heimspekingar vilja kalla siðvit, það er siðferðisþroski, tilfinningaþroski og félagsþroski. Einnig er fjallað um samskipti og hvernig þau tengjast lífsleikni. Greint er frá rannsókn sem unnin var í ónefndum leikskóla þar sem tekið var viðtal við leikskólastjóra leikskólans, settur saman rýnihópur leikskólakennara og gerðar skráningar af börnum í leik og starfi. Niðurstöðurnar eru að lokum bornar saman við niðurstöður úr þróunarverkefninu Lífsleikni í leikskóla.
Helstu niðurstöður rannsóknarinnar eru þær að greina má mun á samskiptum barna sem þátt hafa tekið í þróunarverkefninu Lífsleikni í leikskóla og annarra leikskólabarna. Munurinn liggur í aukinni samskiptafærni barnanna sem þátt hafa tekið í þróunarverkefninu Lífsleikni í leikskóla sem gefur til kynna að hægt sé að hafa áhrif á siðferðisþroska barna með markvissri lífsleiknivinnu.

Comments
is

Verkefnið er lokað

Issued Date
01/01/2004


Artifacts
Name[Sortable]Size[Sortable]Visibility[Sortable]Description[Sortable]Format
lautarblom-e.pdf143KBOpen Hvar sem lítið lautarblóm langar til að gróa - efnisyfirlit PDF View/Open
lautarblom-h.pdf169KBOpen Hvar sem lítið lautarblóm langar til að gróa - heimildaskrá PDF View/Open
lautarblom-u.pdf106KBOpen Hvar sem lítið lautarblóm langar til að gróa - útdráttur PDF View/Open
lautarblom.pdf1.36MBLocked Hvar sem lítið lautarblóm langar til að gróa - heild PDF