EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/9737

Title
is

Hlutverk og skipulag forskólakennslu í tónlistaruppeldi barna á yngsta stigi grunnskóla

Submitted
May 2011
Abstract
is

Þessi rannsókn fjallar um hlutverk og skipulag forskólakennslu í tónlist á Akureyri. Samstarfið milli grunnskóla á Akureyri og Tónlistarskólans á Akureyri (TA) hefur staðið í um 15 ár og er forskólakennslan hluti af skólastundaskrá barna á yngsta stigi grunnskóla. Rannsóknin var eigindleg tilviksrannsókn (e. case study).
Rannsóknin beindist að tveimur meginspurningum: Hvert er inntak og skipulag samstarfs Tónlistarskólans á Akureyri og grunnskóla á Akureyri um forskólakennslu á yngsta stigi grunnskóla? og Hvernig er hægt að þróa enn frekar samstarf tónlistarskóla og grunnskóla um umgjörð og innihald tónlistarforskóla?
Gagna varðandi fyrri spurninguna var aflað með hálfopnum spurningum í viðtölum við tvo starfandi forskólakennara, þrjá starfandi deildastjóra og einn starfandi skólastjóra. Úrtakið var valið úr tveimur grunnskólum og Tónlistarskólanum á Akureyri. Niðurstöður við fyrri rannsóknarspurningunni bentu til þess að hlutverk forskólakennslunnar á Akureyri væri skýrt og markvisst þar sem áhersla væri lögð á að börnin öðluðust jákvæða upplifun á tónlistarkennslu og prófuðu sig markvisst áfram í tónlistinni. Forskólakennarar nutu trausts í sínu starfi bæði innan veggja grunnskólanna og Tónlistarskólans á Akureyri. Niðurstöður sýndu einnig að skipulag forskólakennslunnar hafði dalað undanfarin ár og samskipti milli stofnana minnkað. Forskólakennarar óskuðu eftir auknum samskiptum sín á milli og við Tónlistarskólann á Akureyri.
Síðari spurningunni var svarað með áætlun um hvernig væri hægt að þróa betur það samstarf sem var til staðar milli stofnana. Áætlunin var sett fram í þremur hlutum. Fyrsti hlutinn fjallaði um skipulag og umgjörð samstarfs milli stofnana. Annar hlutinn fjallaði um móttöku nýrra forskólakennara sem sinntu kennslu úti í grunnskólum. Sá hluti var sniðinn fyrir utanaðkomandi kennara sem eru ekki beint hluti af starfsliði grunnskólanna. Í þriðja hlutanum var sett fram hugmynd að kennsluáætlun fyrir forskólakennslu yfir tveggja ára tímabil. Áætlunin var byggð á hugmyndum rannsakanda, viðtölum við þátttakendur og fræðilegum grunni ritgerðarinnar. Notkun hennar getur stuðlað að markvissara samstarfi og styrkt tengsl milli forskólakennara, grunnskóla og tónlistarskóla.

Comments

Verkefnið er lokað

Accepted
05/07/2011


Artifacts
Name[Sortable]Size[Sortable]Visibility[Sortable]Description[Sortable]Format
Hjördís Eva - efni... .pdf23.7KBOpen Table of Contents PDF View/Open
Hjördís Eva - fylg... .pdf124KBOpen Appendix PDF View/Open
Hjördís Eva - heil... .pdf589KBLocked Complete Text PDF  
Hjördís Eva - heim... .pdf35.9KBOpen Bibliography PDF View/Open