ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10376

Titill

Staða og hlutverk dómstóla í réttarríki. Þriggja þrepa dómskerfi: Kostir og gallar.

Efnisorð
Útgáfa
Desember 2011
Útdráttur

Hið séríslenska tveggja dómstiga réttarkerfi hefur sætt gagnrýni og nú hefur farið fram mikil og þörf umræða um það nýmæli í löggjöf að taka upp millidómstig í saka- og einkamálum. Viðfangsefni þessarar ritgerðar er því að skoða nokkra fleti á því hvort heppilegt sé að setja á stofn millidómstig hér á landi og feta þar með í fótspor nágrannaríkja okkar. Gagnlegt getur verið að líta um öxl í því skyni að sannreyna hvort við getum lært eitthvað af fenginni reynslu. Í upphafi ritgerðarinnar er því fjallað um dómstólaskipan í sögulegu samhengi, frá þjóðveldisöld til dagsins í dag. Því næst tekur við umfjöllun um meginreglu réttarfars um rétt manna til réttlátrar málsmeðferðar sem fram kemur í 70. gr. stjórnarskrár lýðveldisins Ísland nr. 33/1944 (hér eftir skammstafað stjskr.) og mannréttindasáttmála Evrópu (hér eftir skammstafað MSE), en þar verður sjónum einkum beint að rétti manna til að fá úrlausn dómstóls á fyrsta dómstigi tekna til endurskoðunar af æðri dómi annars vegar og meginreglunnar um milliliðalausa sönnunarfærslu hins vegar. Því hefur verið haldið fram að lög og réttarframkvæmd hér á landi brjóti verulega gegn meginreglunni um milliliðalausa sönnunarfærslu hvað varðar sönnunarfærslu fyrir Hæstarétti Íslands þar sem ekki hefur tíðkast í framkvæmd að Hæstiréttur endurmeti niðurstöðu héraðsdóms um sönnunargildi munnlegs framburðar. Því er hér leitast við að svara þeirri spurningu hvort stofnun millidómstigs gæti bætt úr þessum annmarka. Í framhaldi af því tekur við umfjöllun um núverandi dómstólaskipan á Íslandi og dregnir fram kostir hennar og gallar. Vikið verður að því hvernig umræðan um stofnun millidómstigs hefur skotið upp kollinum, með hléum þó, allt frá 1972 og gerð grein fyrir því hvernig umræðan hefur náð lengst í þeirri lotu sem nú stendur yfir. Grunnhugmyndum vinnuhóps um millidómstig, sem skipaður var af innanríkisráðherra í desember 2010 um það hvernig best væri að koma á fót þriggja þrepa dómskerfi, verða gerð skil og farið verður yfir rök með og á móti slíku þriggja þrepa dómskerfi. Í lokin verður fjallað um hvort nauðsynlegt sé að setja á fót millidómstig í sakamálum sem og einkamálum, en um það hafa verið skiptar skoðanir.

Birting
15.12.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Helga Björnsdóttir.pdf364KBLokaður Heildartexti PDF