ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10506

Titill

Áhrif langtímaatvinnuleysis á fjölskyldur á Akureyri. Í kjölfar efnahagshrunsins

Útgáfa
Desember 2011
Útdráttur

Rannsókn þessi byggir á gögnum frá Vinnumálastofnun á Norðurlandi eystra og rýnihópaviðtölum rannsakanda. Markmiðið með verkefninu var að öðlast dýpri innsýn og skilning á áhrifum langtímaatvinnuleysis á fjölskyldur og til þess var notað blandað rannsóknarsnið með megindlegum og eigindlegum gögnum. Megindlegu gögnin voru ASR sjálfsmat ASEBA og bakgrunnsupplýsingar. Eigindlegu gögnin voru þemagreind rýnihópaviðtöl. Heildarúrtakið í megindlegu mælingunni voru 47 langtímaatvinnulausir einstaklingar sem höfðu útfyllt sjálfsmat ASR, af þeim voru 40% foreldrar barna yngri en 18 ára. Konur reyndust vera 68% foreldrahópsins á móti 32% karla. Yngsta foreldrið var 22 ára og það elsta 59 ára. Meðalaldur foreldranna reyndist vera 35,3 ár. Flestir foreldranna eða ríflega 90% höfðu minni menntun en framhaldskóla- eða starfsmenntun. Heildarúrtakið í eigindlegum hluta rannsóknarinnar voru 10 manns, sjö konur og þrír karlar.
Niðurstöður benda til að langtímaatvinnulausir foreldrar á Akureyri búi við svipaða líðan og búast má við í tilviljunarbundu úrtaki, en upplifi engu að síður fjárhags- og framtíðaráhyggjur, skort á tilgangi og skipulagi ásamt því að finna fyrir félagslegri einangrun. Ekki hefur verið gripið til neinna beinna aðgerða í kjölfar efnahagshrunsins fyrir langtímaatvinnulausa foreldra, heldur hefur frekar verið um að ræða almennar aðgerðir, t.d. fjárhagsaðstoð.

Birting
11.1.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
MA SÁH FEB2012.pdf1,58MBOpinn Heildartexti PDF Skoða/Opna