ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3638

Titill

„Það opnaðist stærri heimur.“ Fyrirtækjamenning í ljósi sameiningar

Útdráttur

Hugtakið fyrirtækjamenning hefur fengið aukið vægi á meðal fræðimanna og stjórnenda á síðustu áratugum. Fjölmargar kenningar hafa komið fram um fyrirtækjamenningu og hefur hugtakið verið miðlægt í umræðunni um árangur skipulagheilda.
Markmið þessarar rannsóknar var að varpa ljósi á fyrirtækjamenningu sameinaðs fyrirtækis þriggja gamalgróinna fyrirtækja. Áhersla var lögð á það að draga fram styrkleika og veikleika fyrirtækjamenningarinnar ásamt því að rýna í viðhorf og upplifun starfsmanna á fyrirtækjamenningunni í ljósi sameiningarinnar. Fyrirtækjamenningin er einn vandasamasti þátturinn við sameiningu skipulagsheilda. Helsta áskorunin er sú að takast á við mismunandi hugmyndafræði, verklag, sögu, siði og venjur sem einkenna skipulagsheildir, enda geta þær verið mjög ólíkar á þessum sviðum.
Rannsóknin var unnin eftir bæði eigindlegri og megindlegri aðferðafræði. Tekin voru viðtöl við átta starfsmenn fyrirtækisins og rafræn spurningakönnun send út til allra starfsmanna þess. Spurningalistinn byggir á aðferð Denison (Denison Organizational Culture Survey) og samanstendur af fjórum menningarvíddum sem eru; markmið, þátttaka, samræmi og aðlögunarhæfni.
Helstu niðurstöður eru þær að fyrirtækjamenning sameinaðs fyrirtækis einkennist af samstöðu og trausti á meðal starfsmanna og samkomulag ríkir um mikilvæg málefni. Helstu styrkleika er að finna í ytra umhverfi fyrirtækisins, þar sem stefna fyrirtækisins er skýr og áhersla er á viðskiptavini og viðskiptaumhverfi. Helstu veikleika fyrirtækjamenningarinnar er að finna í innra umhverfi fyrirtækisins þar sem samræmi á milli starfseininga er ábótavant og skortur er á sameiginlegri sýn starfsmanna um gildi fyrirtækisins.
Upplifun starfsmanna á fyrirtækjamenningunni er jákvæð og voru flestir á þeirri skoðun að arfleifð frá öllum sameinuðu fyrirtækjunum væri áberandi í fyrirtækjamenningu sameinaðs fyrirtækis. Ólíkar skoðanir voru þó um það hversu mikla arfleifð væri að finna frá hverju af sameinuðu fyrirtækjunum.

Birting
23.9.2009


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
kjamenning_i_ljosi... .pdf7,21MBLokaður Heildartexti PDF