ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4881

Titill

Af máli má manninn þekkja. Almenn umfjöllun um réttarmálvísindi

Útdráttur

Þessi ritgerð fjallar um réttarmálvísindi og rannsóknir á höfundskap. Ritgerðin skiptist í þrjá meginhluta auk inngangs og lokaorða. Í fyrsta hluta er farið yfir sögu og tilurð réttarmálvísinda frá því hugtakið réttarmálvísindi kom fyrst fram í riti Jans Svartvik (1968) um höfundskap játninga í máli Timothys Johns Evans. Greint er frá máli Ernestos Miranda sem segja má að hafi markað upphaf réttarmálvísinda í Bandaríkjunum og sagt frá hægfara vexti greinarinnar í upphafi og þeirri aukningu sem orðið hefur í málum af réttarmálvísindalegum toga undanfarna tvo áratugi eða svo. Þá er staða greinarinnar í dag rædd sem og viðfangsefni hennar.
Í öðrum hluta ritgerðarinnar er fjallað nánar um málvísindaleg sönnunargögn og tvö svið réttarmálvísinda sem tengjast annars vegar merkingu og hins vegar hljóðfræði. Rakin eru tvö raunveruleg mál sem hafa með orðhlutafræðilega merkingu og setningafræðilega merkingu að gera. Þá er fjallað um réttarhljóðfræði og tvö meginviðfangsefni hennar sem eru uppritun og raddgreining.
Í þriðja hluta er fjallað nánar um rannsóknir á höfundskap. Fyrri rannsóknum eru gerð skil og þá er fjallað nánar um rannsókn Jans Svartvik frá árinu 1968 á uppruna játninga Timothys Johns Evans í lögregluskýrslum sem leiddu til sakfellingar hans fyrir morðið á eiginkonu sinni og dóttur. Fjallað er um einkamállýskur og hugmyndina um svonefnd málfræðileg fingraför. Þá er vikið að breytileika í máli og þeim áhrifum sem hann hefur á rannsóknir á höfundskap. Því næst er aðferðafræði við rannsóknir á höfundskap og gagnsemi mörkunar lýst með dæmi úr raunverulegu máli.

Birting
3.5.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
ritgerd-HH.pdf124KBOpinn Heildartexti PDF Skoða/Opna