ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6285

Titlar
  • Stjórnarhættir íslenskra fjármálafyrirtækja

  • en

    Corporate governance of Icelandic financial companies

Útgáfa
September 2010
Útdráttur

Í þessari ritgerð er leitast við að kanna stjórnarhætti íslenskra fjármálafyrirtækja í víðari merkingu þess orðs. Er þar átt við, auk banka og fjármálafyrirtækja, vátryggingafélög og lífeyrissjóði. Horft er til stjórnarhátta eins og þeir birtast almenningi og því er eingöngu notast við efni sem er öllum opið á heimasíðum fyrirtækjanna.
Íslensk fjármálafyrirtæki búa við strangari kröfur en flest önnur hlutafélög; þau lúta eftirliti Fjármálaeftirlitsins og lögum um fjármálafyrirtæki sem önnur félög gera ekki. Fjármálafyrirtæki eru enda tengd almannahagsmunum öðrum fremur; sé fjármálakerfið ónýtt er í raun búið að kippa fótunum undan efnahagslífinu.
Stjórnarhættir fyrirtækja er rit sem Samtök atvinnulífisins, Viðskiptaráð Íslands og Nasdaq OMX Iceland (Kauphöllin) gefa út en fyrirtæki skráð í Kauphöllinni hafa verið skyldug til að fylgja leiðbeiningum þess rits. Hinn 12. júní síðastliðinn, (2010), tóku gildi lög sem skylda fjármálafyrirtæki einnig að framfylgja leiðbeiningum um stjórnarhætti fyrirtækja en viðfangsefni ritgerðar þessarar er að kanna alla ársreikninga fyrirtækjanna fyrir árið 2009 og efni á heimasíðum þeirra með hliðsjón af téðum leiðbeiningum.
Stjórnarhættir (e. corporate governance) fjalla um hvernig stjórn og stjórnendur fara með vald og ábyrgð. Efnahags– og framfarastofnun Evrópu, (OECD), og fleiri stofnanir sem við á Íslandi miðum okkur við, leggja nú aukna áherslu á gagnsæi og upplýsingagjöf til hluthafa og almennings. Ennfremur er meira lagt upp úr óháðum stjórnarfulltrúum og víðtækri þekkingu og reynslu við val þeirra. Nýjustu rannsóknir sýna, að aukin menntun stjórnarmanna skilar sér í bættum stjórnarháttum.
Niðurstöður könnunarinnar sýna, að aðeins 3 til 5 af 66 fjármálafyrirtækjum sem til skoðunar voru, koma vel út úr könnuninni. Til þess að fjármálafyrirtæki séu hafin yfir vafa um góða stjórnarhætti, þurfa þau ótvírætt að sýna fram á að svo sé.
Þar koma upplýsingar á heimasíðum að góðum notum.

Birting
20.9.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BS_Stjórnarhættir ... .pdf6,22MBOpinn Heildartexti PDF Skoða/Opna