ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7952

Titill

Samfella í námi milli grunn- og framhaldsskóla. Áhrif stefnumótunar um hröðun í námi milli grunn- og framhaldsskóla á námsframvindu bráðgerra nemenda

Leiðbeinandi
Útgáfa
Júní 2011
Útdráttur

Þessi tilviksrannsókn beinist að nemendum sem var hraðað úr sunnlenskum grunnskólum í Fjölbrautaskóla Suðurlands (FSu), á árunum 2007-2010. Megintilgangur rannsóknarinnar er að kanna áhrif stefnumótunar um hröðun í námi milli grunn- og framhaldsskóla á námsframvindu nemendanna. Í rannsókninni var beitt megindlegri aðferðafræði og byggt á rannsóknartilgátum sem hvíla á þeirri kenningu að hröðun úr grunn- í framhaldsskóla veiti bráðgerum nemendum nám við hæfi og svari félags- og tilfinningalegum þörfum þeirra. Gagnasöfnun fólst í samantekt á námsárangri og einingafjölda umræddra nemenda sem og niðurstöðum spurningakönnunar um líðan þeirra og viðhorf.
Upplýsingar um áhrif stefnumótunar á hröðun íslenskra nemenda eru ekki til og fram að þessari rannsókn hafa hvorki verið gerðar íslenskar rannsóknir á námsárangri og námsframvindu hraðaðra nemenda né á líðan þeirra, félagslegri stöðu eða viðhorfi til hröðunar. Helstu niðurstöður eru að stefnumótun hefur jákvæð áhrif á námsframvindu nemendanna, námsgengi þeirra og námsframvinda er framúrskarandi. Hröðuðu nemendunum líður mjög vel en tvíræðara er um jákvæð áhrif á félagstengsl. Þá hafa allir nemendurnir jákvætt viðhorf til hröðunar. Áhrif grunn- og framhaldsskólalaga 2008 á stefnumótun í FSu voru ekki langvinn en niðurskurður fjárframlaga af hálfu ríkisins hefur sett stefnuna í uppnám.

Birting
20.4.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
MPA thorunn_jona.pdf7,31MBOpinn Heildartexti PDF Skoða/Opna