ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Viðskipta- og raunvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8516

Titill

Áhrif rafbílavæðingar á Akureyri

Útgáfa
Maí 2011
Útdráttur

Umræðan um rafbíla sem samgöngumáta framtíðarinnar hefur aukist til muna undanfarin ár. Helstu hvatar þeirra umræðu eru einna helst síhækkandi olíuverð og aukin umhverfisvitund almennings gagnvart skaðlegum útblæstri bifreiða. Margir hafa jafnframt áhyggjur af tæmingu olíuauðlinda heimsins og takmörkuðu orkuöryggi gagnvart olíu. Stjórnvöld víða um heim hafa áttað sig á mikilvægi vistvænna samganga og hafa því ákveðið að styðja við sölu rafbíla og jafnvel greiða með rafbílum til að flýta enn frekar fyrir þróun þeirra.
Í þessu verkefni er leitast við að skoða áhrif rafbílavæðingar á Akureyri. Sett eru upp tvö samanburðartilfelli á skiptingu einkabílaflota Akureyringa. Fyrra tilfellið tekur mið af stöðunni eins og hún er í dag en í seinna tilfellinu er gert ráð fyrir að rafbílavæðing hafi átt sér stað. Forsendur útreikninga er að finna í kafla 4 þessarar skýrslu. Viðfangsefni verkefnisins er að kanna hvaða fjárhagslegu og umhverfislegu áhrif slík skipti hafa í för með sér fyrir Akureyri og íbúa Akureyrar. Þeir þættir sem eru til skoðunar eru orkunotkun, rekstrarkostnaður, útblástur koldíoxíðs og tekjur ríkisins.
Helstu niðurstöður verkefnisins eru þær að miðað við núverandi stöðu brennir fólksbílafloti Akureyringa um 127,2 milljón lítrum af jarðefnaeldsneyti á 10 ára tímabili. Þeirri notkun fylgir útblástur CO2 upp á um 304 þúsund tonn. Í tilfelli rafbílavæðingar er notkun jarðefnaeldsneytis 28,5 milljón lítrar á sama tímabili og losun CO2 um 66 þúsund tonn. Aukningin í raforkunotkun, ef gert er ráð fyrir rafbílavæðingu, er um 146,4 GWh á tímabilinu eða um 14,6 GWh á ári. Ef rafbílavæðing verður að veruleika á Akureyri og tekið er tillit til þess að skatttekjur ríkissjóðs vegna fólksbílanotkunar haldist óbreyttar yrði heildarrekstrarsparnaður neytenda um 9,5 milljarðar á líftíma. Minnkun í losun koldíoxíðs við rafbílavæðingu er um 238 þúsund tonn á tímabilinu. Þegar miðað er við heildarútblástur koldíoxíðs á Íslandi myndi rafbílavæðing á Akureyri skipta litlu máli.

Birting
16.5.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Ahrif_rafbilavaedi... .pdf1,09MBOpinn  PDF Skoða/Opna