Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2500
Í þessari rannsókn var athugað hvort marktækt samband væri á milli eignarhalds og
auglýsinga í Fréttablaðinu og í Morgunblaðinu. Valin voru tvö tímabil, 1.-15. maí
2002 og 1.-15. maí 2008 og allar auglýsingar í þessum tveimur blöðum mældar til
að athuga hvort fyrirtæki í eigu Baugs, alfarið eða að hluta til, auglýsi meira í
Fréttablaðinu en í Morgunblaðinu en réttlætt verði miðað við lestrarkannanir og
útreiknað snertiverð. Um mitt sumar 2002 urðu eigendaskipti á Fréttablaðinu og
Baugur eignaðist stóran hlut í blaðinu. Helstu niðurstöður sýndu fram á að
meðalsnertiverð var lægra í Fréttablaðinu en í Morgunblaðinu um 11% árið 2002 og
um 8% árið 2008. Ef auglýsingamagn er umfram það má telja að aðrar ástæður liggi
að baki en markaðslegar. Líklegt má telja að þar ráði eignarhald á miðlinum því
hvar auglýst er en ekki rekstrarleg sjónarmið að öðru leyti.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
5_fixed.pdf | 294.5 kB | Opinn | Heildartexti | Skoða/Opna |