is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3323

Titill: 
  • Vélrænir líkamar og breyttar sifjahugmyndir. Ýmis áhrif ófrjósemi í ljósi sjúkdómsvæðingar
Námsstig: 
  • Bakkalár
Útdráttur: 
  • Talið er að a.m.k. eitt af hverjum tíu pörum í heiminum þjást af ófrjósemi en ófrjósemi er
    hnattrænt fyrirbæri sem birtist á misjafnan hátt innan samfélaga. Með tilkomu
    tækninýjunga á sviði læknisfræði síðustu áratugi hafa tæknifrjóvganir hlotið almennan sess
    sem gert hefur það að verkum að ófrjósemi er í dag ekki alitin félagslegt vandamál, heldur
    samspil líkamlegra kvilla eða sjúkdómsástand. Markmiðið með þessari ritgerð er að skoða
    ófrjósemi sem margbreytilegt líkamlegt, félagslegt og einstaklingsbundið ástand. Einnig
    verður leitt hugann að því hvernig sjúkdómsvæðing ófrjósemi getur haft áhrif á þætti líkt
    og kyngervi og sjálfsmynd fólks. Því til hliðsjónar verður litið á kenningar Foucault um
    vald vísindanna til að skapa ráðandi þekkingar innan samfélaga, ásamt því að kenningar
    ýmissa fræðimanna um líkamann verða skoðaðar. Þessu til viðbótar eru skoðaðar nokkrar
    reynslusögur ófrjósamra einstaklinga á Íslandi til að varpa ljósi á upplifun þeirra.
    Tæknifrjóvganir eru að vissu leyti birtingarmynd ráðandi sifjahugmynda innan
    vestrænna ríkja, þar sem að blóðtengsl og erfðir ákvarða skyldleika. Á sama tíma hafa
    tæknifrjóvganir áhrif á það hvernig við skiljum og endursköpum sifjahugmyndir okkar, t.d.
    með tilkomu gjafaeggja, gjafasæðis og leiðumæðra. Tæknifrjóvganir geta haft víðtæk áhrif
    á einstaklinga, bæði sálræn og líkamleg. Þær bera þó með sér von um barneignir fyrir þá
    sem ekki geta átt börn á hefðbundinn hátt. Hjá sumum tekst meðferðin á meðan aðrir ganga
    í gegnum langt sjúkdómsferli og þurfa svo að endurskoða framtíð sína út frá öðrum
    úrræðum á borð við barnleysi eða ættleiðingu.
    Helstu niðurstöður þessarar ritgerðar eru að einstaklingar bregðast mjög
    misjafnlega við ófrjósemi, tæknifrjóvgunum og barnleysi en þó er ófrjósemi ástand sem
    hefur gífurleg áhrif á líf fólks, sjálfsmynd og kyngervi. Á sama tíma hefur fólk þó ákveðið atbeini til að endurskilgreina aðstöðu sína og endurskapa hugmyndir sínar um hvað felst í því að eiga „eigið barn“.

Samþykkt: 
  • 4.10.2008
URI: 
  • http://hdl.handle.net/1946/3323


Skrár
Skráarnafn Stærð AðgangurLýsingSkráartegund 
Linda_Gudmundsd_forsida_fixed.pdf3.23 kBOpinnForsíðaPDFSkoða/Opna
Linda_Gudmundsd.pdf277.23 kBLokaðurMeginmálPDF