ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>B.A./B.Ed. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/573

Titill

Öll börn eru einstök

Útdráttur

Saga fatlaðra á Íslandi hefur tekið miklum breytingum síðastliðna áratugi. Áður fyrr birtist viðhorf gagnvart fötluðu fólki af þekkingaleysi þar sem fötlun var ekki viðurkennd sem slík. Fatlaðir einstaklingar voru litnir hornauga og litið á þá sem skömm. Um þessar mundir er staða fólks með fötlun önnur, fötlun er viðurkennd og það hefur sín réttindi. Í fyrsta hluta ritgerðarinnar förum við hratt yfir sögu þeirrar þróunar sem átt hefur sér stað hér á landi varðandi málefni fatlaðra.
Í öðrum hluta ritgerðarinnar er sérstaklega fjallað um fötlunina einhverfu og hvernig hún lýsir sér, hegðunareinkenni barna með einhverfu og einhverfurófið sem felur í sér sex megin flokka. Við útskýrum í stuttu máli hvern flokk fyrir sig og hvaða hegðunareinkenni einhverfir bera í hverjum flokki. Til þess að einstaklingur flokkist sem einhverfur þarf hann greiningu. Greining er margþætt ferli sem fer fram á Greiningar- og ráðgjafarstöð ríkisins og er gerð grein fyrir því.
Börn með einhverfu sækja skóla eins og önnur börn. Við skoðum réttindi einhverfa barna og möguleika á úrræðum í leik- og grunnskólum.
Okkur þykir forvitnilegt að vita hvort réttindum barna með einhverfu og foreldra þeirra sé fylgt eftir. Við gerðum könnun á þessum þáttum. Tekin voru viðtöl við starfsfólk í leikskóla, grunnskóla og foreldra þriggja barna með einhverfu. Leik- og grunnskólakennararnir starfa allir með einhverf börn en hafa mismikla menntun og reynslu. Í fjórða kafla má sjá niðurstöður könnunarinnar.
Í niðurstöðum kom meðal annars fram að erfiðara er fyrir foreldra og börn að vitja réttinda sinna þegar í grunnskóla er komið en í leikskóla. Þrátt fyrir þetta er ánægjulegt að segja frá því að allir, jafnt foreldrar sem kennarar sögðust mjög ánægðir með þann stuðning og styrk sem þeim er veittur frá Fjölskyldudeild Akureyrarbæjar.

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2006


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
ollborn.pdf436KBTakmarkaður Öll börn eru einstök - heild PDF  
ollborn_e.pdf72,2KBOpinn Öll börn eru einstök - efnisyfirlit PDF Skoða/Opna
ollborn_h.pdf129KBOpinn Öll börn eru einstök - heimildaskrá PDF Skoða/Opna
ollborn_u.pdf60,6KBOpinn Öll börn eru einstök - útdráttur PDF Skoða/Opna