ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10034

Titill

Heimafæðingar: Femínískt andóf gegn karllægum valdastrúktúr heilbrigðisstofnana?

Útgáfa
September 2011
Útdráttur

Fæðingar fara nú til dags að mestu fram inni á sjúkrastofnunum en heimafæðingar eru að sækja í sig veðrið. Fjöldi þeirra tæplega tvöfaldaðist milli áranna 2007-2009 og er nú um 1,8% af öllum fæðingum á landinu.
Ritgerð þessi fjallar um það hvers vegna konur velja að fara ekki inn á sjúkrastofnun til að fæða börn sín. Ég tek fyrir sjúkdómsvæðingu fæðinga og karllægan valdastrúktúr sjúkrastofnanna. Bókin The Politics of Birth eftir Sheila Kitzinger er höfð að leiðarljósi, og fjallar hún eins og nafnið gefur til kynna, um valdapólitík sem viðgengst í kringum fæðingar í gegnum virka stjórnun á ferlinu. Sjúkrahúsfæðingar hafa orðið tákn fyrir hreinsun fæðingarinnar og ég tek fyrir nokkrar aðferðir sem hafa verið notaðar til að vinna gegn óhreinleika og kynferðisleika ferlisins. Til að dýpka á þessari umræðu styðst ég við greiningar franska heimspekingsins Michel Foucault á stofnunum samfélagsins og hvernig ríkjandi öfl móta það sem telst leiðbeinandi eða siðferðilegt mat (e. normative judgement) í samfélaginu hverju sinni og stýrir því hvaða ákvarðanir almenningur tekur. Leiðbeinandi mat hefur því mikil áhrif á það hvort barnshafandi konur taki það skref að fara ekki inn á sjúkrastofnun. Ég tek næst fyrir samanburðarrannsókn á heimafæðingum og sjúkrahúsfæðingum á Íslandi sem staðfestir nýlegar erlendar rannsóknir um góða útkomu heimafæðinga. Að endingu er fjallað um öryggi sem abstrakt hugtak og hvernig það hefur að mestu leyti verið notað til að fjalla um það sem viðkemur líkamanum sjálfum, öryggi frá örkumli eða dauða, en lítið verið fjallað um hugtakið í félagslegum skilningi, þ.e. öruggt skjól sem lýtur stjórn hinnar fæðandi konu og áhrif þess á útkomu fæðingar.

Birting
13.9.2011


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
BA_ritgerd_lokager... .pdf157KBOpinn Heildartexti PDF Skoða/Opna
Forsida_Kristin.pdf53,5KBOpinn Forsíða PDF Skoða/Opna
Titilsida_Kristin.pdf40,3KBOpinn Titilsíða PDF Skoða/Opna