ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10058

Titill

Í einskismannslandi? Þjónustusamningar ríkisins

Útgáfa
Október 2011
Útdráttur

Meginmarkmið þessa verkefnis er að skoða réttarstöðu notenda þjónustu þar sem verkefnum hins opinbera hefur verið útvistað með þjónustusamningum. Verkefnið er þverfaglegt annars vegar á sviði stjórnsýslufræða og hins vegar á sviði stjórnsýsluréttar. Þær grundvallarhugmyndir sem búa að baki þjónustusamningum innan stjórnsýslufræðanna byggjast á þeirri hugsun að hægt sé að færa verkefni hins opinbera til einkaaðila með það í huga að ná fram hagræðingu í rekstri en án þess að það hafi nein áhrif á þá sem njóta þjónustunnar. Út frá sjónarhorni stjórnsýsluréttarins er hins vegar horft til þess að verkefni stjórnvalda hafi ákveðinn tilgang og hlutverk ásamt því að um þau gildi ákveðnar reglur sem ekki síst sé ætlað að vernda þá sem njóta þjónustunnar. Þegar verkefni séu færð frá hinu opinbera til einkaaðila missi þessar reglur marks og þeir sem þjónustunnar njóti kunni að skaðast. Um leið bresti ábyrgðarleiðir innan stjórnsýslunnar. Niðurstöður benda til þess að töluvert vanti upp á að lagaheimildir að baki þjónustusamningum sem og innihald samninganna sjálfra sé nægilega skýrt. Þá benda niðurstöður til þess að réttarstaða notenda þjónustu breytist umtalsvert við það að verkefni eru færð til einkaaðila. Fyrst og fremst verði réttarstaða þeirra óljósari en áður.

Birting
14.9.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Ì einskismannsland... .pdf907KBLokaður Heildartexti PDF