ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10132

Titlar
  • Áhrif flutningskostnaðar á þéttbýlismyndun: Staða byggðarlaga á jaðri áhrifasvæðis Reykjavíkur

  • en

    Transport cost as a contributing factor to urbanization: The effect on towns situated at the margin of Reykjavik's area of influence

Útgáfa
Október 2011
Útdráttur

Í þessari ritgerð verður leitast við að greina áhrif flutningskostnaðar á þéttbýlismyndun. Áhersla verður lögð á íslenskar aðstæður, sér í lagi á jaðarbyggðarlög áhrifasvæðis Reykjavíkur, svo sem Akranes, Reykjanesbæ og Árborg. Hér áður fyrr lá stríður straumur fólks til Reykjavíkur en eftir 1950 hefur byggðaþróunin verið á þá leið að fólki hefur fjölgað í byggðum nálægt Reykjavík svo sem á höfuðborgarsvæðinu og fyrrnefndum jaðarbyggðum. Það vakti því áhuga höfundar að skoða hver væri staða byggða á jaðri áhrifasvæðis Reykjavíkur og að athuga hvort líkur séu til að byggðaþróun í framtíðinni verði svipuð og síðustu ár og áratugi. Flutningskostnaður hefur tekið miklum breytingum á Íslandi síðustu áratugi og má þar helst nefna breytingar á eldsneytisverði, samgöngubætur og tækninýjungar. Hár flutningskostnaður gerir það að verkum að samskipti milli Reykjavíkur og jaðarbyggðanna minnka og hann stuðlar því að einangrun jaðarbyggðanna. Lækkun flutningskostnaður getur hins vegar annaðhvort styrkt samband Reykjavíkur og jaðarbyggðanna, þar sem lækkunin eykur sérhæfingu atvinnugreina milli þeirra, eða stuðlað að hruni verslunargeira jaðarbyggðanna vegna gjaldþrota fyrirtækja sem bogna í samkeppni við fyrirtæki úr borginni, sem búa við lægri meðalkostnað sökum stærðarhagkvæmni. Eftir að hafa skoðað þróun flutningskostnaðar á Íslandi og þá sérstaklega á áhrifasvæði Reykjavíkur má færa rök fyrir því að hann hafi raunveruleg áhrif á þéttbýlismyndun. Til þess að meta áhrifin var notast við línulega aðfallsgreiningu og voru helstu niðurstöðurnar þær að bensínverð, tilkoma Hvalfjarðarganganna og breytingar á verðlagsákvæðum fyrir flutninga hafi haft marktæk áhrif á þróun mannfjölda, í áðurnefndum jaðarbyggðum. Einnig fer verðmæti atvinnuhúsnæðis í jaðarbyggðum hækkandi og gefur það vísbendingar um að fyrirtæki líti jákvæðari augum til þeirra sem staðsetningu fyrir starfsemi sína. En aukin samskipti við borgina opna möguleika fyrir fyrirtæki sem eru plássfrek á land að staðsetja sig í jaðarbyggðunum en samt sem áður selja vörur sínar í borginni. Þá gefa aksturstölur til kynna að samgöngubætur síðustu ára hafi aukið samskipti jaðarbyggðanna við borgina. Hröð fólksfjölgun í jaðarbyggðum síðustu ár bendir til þess að lækkun flutningskostnaðar á tímabilinu hafi raunveruleg áhrif á þéttbýlismyndun og að líkleg þróun í framtíðinni sé sú að fólki muni fjölga þar enn frekar.

Birting
20.9.2011


Skrár
NafnRaðanlegtStærðRaðanlegtAðgangurHækkandiLýsingRaðanlegtSkráartegund
Áhrif flutningsko... .pdf1,13MBOpinn Heildartexti PDF Skoða/Opna