Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10161
Notast var við margfalt grunnlínusnið yfir hegðun og þátttakendur til að meta áhrif Beinnar kennslu (Direct Instruction, DI) á frammistöðu tónlistarnema í nótnalestri. Athuguð voru áhrif kennslunnar hjá þremur gítarnemum á unglingsaldri sem höfðu numið gítarleik í 3-4 ár og áttu í erfiðleikum með nótnalestur. Á grunnlínuskeiði fengu nemendurnir kennslu í nótnalestri eftir almennum kennslubókum og hefðbundinni aðferð en við inngrip voru notaðar aðferðir DI. Frammistaða nemenda var metin á lestri tónhæðar, hryns og hefðbundinna laglína. Allir nemendur bættu frammistöðu sína í nótnalestri þegar líkani DI var beitt og einungis þá. Gerð var bein endurtekning á rannsókninni og voru niðurstöður sambærilegar, allir nemendur bættu sig á öllum breytum sem voru metnar þegar líkani DI var beitt og einungis þá.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Rafn Emilsson.pdf | 2.18 MB | Lokaður | Heildartexti |