is Íslenska en English

Lokaverkefni (Bakkalár)

Háskólinn á Akureyri > Heilbrigðisvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1018

Titill: 
  • Iðja kvenna sem greinst hafa með brjóstakrabbamein og þörf þeirra fyrir endurhæfingu og stuðning
Námsstig: 
  • Bakkalár
Útdráttur: 
  • Tilgangur rannsóknarinnar var að fá upplifun kvenna sem greinst hafa með
    brjóstakrabbamein af áhrifum þessa atburðar á líf þeirra og hvernig heilbrigðiskerfið mætti þeirra
    þörfum. Leitast var við að svara eftirfarandi spurningum: 1. Hvernig hefur iðja kvenna breyst í
    kjölfar greiningar og meðferðar á brjóstakrabbameini? 2. Hver er þörf þessara kvenna fyrir
    endurhæfingu og stuðning? Rannsóknin var eigindleg og gögnum safnað með viðtölum.
    Þátttakendur voru 9 konur sem greinst höfðu með brjóstakrabbamein og sótt endurhæfingar- og
    stuðningsmiðstöðina Ljósið. Í viðtölunum var stuðst við viðtalsramma matstækisins OPHI-II
    (Occupational Performance History Interview). Viðtölin voru afrituð og kóðuð. Niðurstöður
    birtust í þremur meginþemum, erfiðleikar, hvað hjálpaði og varanlegar breytingar. Konurnar
    upplifðu ýmsar erfiðar tilfinningar þegar þær greindust og þurftu auk þess að takast á við
    aukaverkanirnar sem fylgdu krabbameinsmeðferðinni. Sumar konurnar lýstu vonbrigðum sínum
    yfir því að þeim var ekki vísað áfram í endurhæfingu eftir að hefðbundinni krabbameinsmeðferð
    lauk. Persónulegur styrkur og stuðningur frá fjölskyldu, vinum og samferða fólki í Ljósinu var það
    sem hjálpaði konunum að komast í gegnum þessa erfiðu reynslu. Varanlegar breytingar urðu á
    hlutverkum, gildum, venjum og líkamlegri heilsu kvennanna. Í ljósi niðurstaðna er brýn þörf á að
    krabbameinsendurhæfing standi öllum til boða og að fólki sé leiðbeint í átt að slíkri þjónustu.

Samþykkt: 
  • 1.1.2007
URI: 
  • http://hdl.handle.net/1946/1018


Skrár
Skráarnafn Stærð AðgangurLýsingSkráartegund 
LOKAVERKEFID.pdf5.28 MBOpinnIðja kvenna - heildPDFSkoða/Opna