ÍslenskaenEnglish

Aðilar að Skemmunni

Leit eftir:


LokaverkefniHáskólinn á Bifröst>Lagadeild>Meistaraverkefni í lagadeild (MA/ML)>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10330

Titill

Tilurð leiðréttingarskyldu virðisaukaskatts í frjálsri og sérstakri skráningu og meðferð við gjaldþrot

Útgáfa
September 2011
Útdráttur

Þessi ritgerð fjallar á heildstæðan hátt um tilurð og meðferð leiðréttingarskyldu
virðisaukaskatts í frjálsri og sérstakri skráningu. Í lögum nr. 50/1988, um virðisaukaskatt,
er að finna ákvæði sem heimilar svokallaðar frjálsar og sérstakar skráningar á
virðisaukaskattskrá. Orðalag ákvæðisins er fremur fátæklegt, en gerir þó ráð fyrir heimild
fjármálaráðherra til að setja nánari reglur um þessar skráningarleiðir. Sú heimild hefur
verið nýtt með setingu reglugerða nr. 576/1989, um virðisaukaskatt af byggingarstarfsemi
og nr. 577/1989, um frjálsa og sérstaka skráningu vegna leigu og sölu á fasteign. Reglur
um þetta efni heimila þeim, sem byggja fasteignir í þeim tilgangi að selja þær
virðisaukaskattskyldum aðilum eða leigja fasteignir í atvinnuskyni, að vera innan
skattskyldusviðs laga nr. 50/1988, en fasteignir eru að öðru leyti utan skattskyldusviðs
laganna. Slíkir aðilar njóta m.a. rýmri heimilda til frádráttar á innskatti, sem aðilum utan
virðisaukaskattskerfisins standa ekki til boða. Þær heimildir eru þó háðar því að skilyrði
virðisaukaskattsfrádráttarins haldist óbreytt á tilteknu tímabili, eða verði yfirtekin af
öðrum, þar til bærum aðila. Að öðrum kosti þarf sá sem notið hefur frádráttarréttar á
virðisaukaskatti að endurgreiða (bakfæra/leiðrétta) þann virðisaukaskatt sem fengist hefur
frádreginn. Jafnan er talað um leiðréttingarskyldu virðisaukaskatts, eða að leiðrétta þurfi
virðisaukaskattskvöð. Þessi leiðréttingarskylda er bundin í ákvæði laga nr. 50/1988, sem
annars fer ekki mörgum orðum um hvernig meðferð leiðréttingarskyldunnar skuli hagað.
Á grundvelli heimildar í framangreindum lögum hefur fjármálaráðherra sett reglugerð nr.
192/1993, um innskatt, sem fjallar með nákvæmari hætti um meðferð
leiðréttingarskyldunnar.
Leitast er við að svara spurningunni um hvernig fara skuli með leiðréttingarskyldu
virðisaukaskatts við gjaldþrotameðferð aðila sem leiðréttingarskyldan hvílir á. Hér er
einnig fjallað ítarlega um skilyrði frjálsrar og sérstakrar skráningar, tilurð
leiðréttingarskyldunnar og þær fjölmörgu flóknu reglur sem gilda um meðferð hennar. Í
lok ritgerðarinnar eru álitaefni í tenglsum við leiðréttingarskylduna sett í samhengi við
réttarreglur fullnusturéttarfars

Athugasemdir

Meginmál ritgerðar er lokað

Birting
5.12.2011


Skrár
NafnRaðanlegtStærðRaðanlegtAðgangurHækkandiLýsingRaðanlegtSkráartegund
BFK_ML_OPINN_HLUTI.pdf264KBOpinn Fylgiskjöl PDF Skoða/Opna
BFK_ML_FINAL_HEILD... .pdf937KBLokaður Meginmál PDF