is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1037

Titill: 
  • Ofbeldi gegn börnum : einkenni, afleiðingar, viðbrögð
Námsstig: 
  • Bakkalár
Leiðbeinandi: 
Útdráttur: 
  • Það er bláköld staðreynd að ofbeldi á börnum á sér ekki bara stað í sjónvarpi eða útlöndum heldur á það sér stað hér á Íslandi, jafnvel í næsta nágrenni eða í næsta húsi. Fullorðnu fólki er skylt að hlúa að börnum og vernda þau, en börn eru skilgreind sem einstaklingar frá 0-18 ára aldurs. Afleiðingar þess að barn sé beitt ofbeldi í æsku eru skelfilegar og geta skaðað sálartetur einstaklings fyrir lífstíð. Sem dæmi um afleiðingar ofbeldis má nefna brotna sjálfsmynd, sjálfsvígshugleiðingar, erfiðleikar með myndun félagslegra tengsla, fíkniefnaneyslu, andfélagsleg hegðun og fleira.
    Í þeim tilvikum sem uppeldisskilyrðum barna er ábótavant ber yfirvöldum að grípa inní og tryggja velferð þeirra. Starfsfólk leik- og grunnskóla tekur mikinn þátt í lífi barnanna þar sem flest börn dvelja stóran part úr deginum hjá þeim. Því er sérstaklega mikilvægt að kennarar séu meðvitaðir og í stakk búnir til þess að takast á við barnaverndarmál. Þeim sem vinna með börnum og reyndar öllum þegnum samfélagsins ber lagaleg skylda til þess að tilkynna til barnaverndaryfirvalda ef þeir hafa hinn minnsta grun um að barn sé beitt ofbeldi. Starfsfólk innan kennarastéttarinnar þarf að geta gert sér grein fyrir því hverjir séu í mestri hættu á að verða þolendur. Til að geta greint einkenni og afleiðingar ofbeldis gegn börnum þarf starfsfólk innan skólakerfisins að búa yfir grunnþekkingu á því sviði. Mjög mikilvægt er að brugðist sé rétt við þegar grunur vaknar um að barn búi við óviðunandi uppeldisskilyrði og jafnframt er mikilvægt að sýnd séu rétt viðbrögð ef barn ákveður að segja frá því að það sé beitt ofbeldi.
    Í grunnnámi leikskólakennara er þessum efnisflokki, þ.e. ofbeldi gegn börnum, einkennum þess, afleiðingum og úrræðum ætlaður lítill sem enginn tími. Skólayfirvöld þyrftu að endurskoða námskrána sína með tilliti til þessa, því sá fjöldi tilkynninga sem er að berast til barnaverndaryfirvalda árlega, kallar á að starfsfólk sem vinnur með börnum sé starfi sínu vaxið og geti tekist á við vandmeðfarin málefni vanræktra barna.
    Ástæða efnisvals þessarar ritgerðar er sú að mér finnst bæði að mér og samstarfsfólki mínu skorti þekkingu á þessu sviði. Ráðist var í að afla heimilda um þetta efni í þeirri von að ráða mætti bót á og auka þekkingu á málaflokknum.

Samþykkt: 
  • 1.1.2007
URI: 
  • http://hdl.handle.net/1946/1037


Skrár
Skráarnafn Stærð AðgangurLýsingSkráartegund 
Oddný Rún Ellertsdóttir.pdf410.92 kBOpinnOfbeldi gegn - heildPDFSkoða/Opna