ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10383

Titill

Skilyrði beitingar 3. mgr. 25. gr. eml.

Efnisorð
Útgáfa
Desember 2011
Útdráttur

Í þessari ritgerð verður fjallað um og gert grein fyrir beitingu 3. mgr. 25. gr. laga um meðferð einkamála nr. 91/1991 (hér eftir skammstöfuð eml.). Borin verður saman dómaframkvæmd Hæstaréttar fyrir gildistöku laga nr. 91/1991, sem fólu meðal annars í sér þá nýjung að félögum og samtökum var heimilað að reka mál fyrir félagsmenn sína og ný dómaframkvæmd eftir gildistöku laganna með það fyrir augum að leiða í ljós hverju ákvæðið hefur skilað. Þá verður farið ítarlega yfir það hvaða skilyrði þurfi að uppfylla til þess að félagi verði heimilað að höfða mál á grundvelli þessa ákvæðis.
Loks er ástæða til þess að kanna áhrif þeirra breytinga sem gerðar voru á eml. með breytingarlögum nr. 117/2010 sem fela í sér heimild til hópmálsókna. Borin verða saman ákvæði 3. mgr. 25. gr og 19. gr. a. eml.
Ákvæði 3. mgr. 25. gr. segir að félag eða samtök manna geti í eigin nafni rekið mál til viðurkenningar á tilteknum réttindum félagsmanna eða lausnar undan tilteknum skyldum þeirra, enda samrýmist það tilgangi félagsins eða samtakanna að gæta þeirra hagsmuna sem dómkrafan tekur til. Dómaframkvæmd hefur mótað reglur varðandi beitingu ákvæðisins og því er vert að skoða hvaða venjur hafa myndast í þeim efnum.
Í öðrum kafla er fjallað um meginregluna um lögvarða hagsmuni, í þriðja kafla verður farið yfir lagasetningu og þróun 3. mgr. 25. gr. eml. ásamt því sem skoðað verður hvenær beiting ákvæðisins kemur til greina. Í fjórða kafla verða skilyrði beitingar ákvæðisins skoðuð og í fimmta kafla verður litið á málflutnings- og málsóknarumboð og hið síðarnefnda borið saman við 3. mgr. 25. gr. Loks verður í sjötta kafla fjallað um hina nýju 19. gr. a. laga einkamála, skilyrði hennar og heimildir og hún borin saman 3. mgr. 25. gr.
Í ritgerð þessari verður leitast við að svara því hver kosturinn sé við heimild 3. mgr. 25. gr. eml. og hvaða hagræði felist í henni. Einnig er ástæða til að kanna hvaða áhrif þessi lagasetning hefur haft á dómaframkvæmd.

Athugasemdir

Prentað eintak ritgerðar hefur ekki skilað sér í september 2013.

Birting
16.12.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
olafurthors-BAforsida.pdf14,1KBOpinn Forsíða PDF Skoða/Opna
olafurthors-BAritgerd.pdf231KBLokaður Meginmál PDF