is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10515

Titill: 
  • Óformleg aðstoð við aldraða: Félagsráðgjöf með aðstandendum
Námsstig: 
  • Bakkalár
Útdráttur: 
  • Eftirfarandi ritgerð fjallar um óformlega aðstoð við aldraða, aðstandendur sem óformlega umönnunaraðila og um áhrif óformlegrar aðstoðar á aðstandendur. Þá fjallar hún einnig um úrræði, félagsráðgjöf og hlutverk félagsráðgjafa með aðstandendum aldraðra. Verkefnið byggir á heimildaöflun um viðfangsefnið en fræðilegar heimildir voru ýmist fengnar frá veraldarvefnum eða úr bókum. Tilgangur ritgerðarinnar er sá að leita svara við eftirfarandi rannsóknarspurningum:
    Hvað hefur áhrif á óformlega aðstoð? Hverjir sinna helst óformlegri aðstoð við aldraða?
    Hver eru áhrif óformlegrar aðstoðar á umönnunaraðila, það er aðstandendur?
    Hvert er hlutverk félagsráðgjafa með aðstandendum aldraðra, hvað geta þeir gert til þess að hjálpa? Helstu niðurstöður eru þær að konur gegna meginhlutverki í óformlegri aðstoð við aldraða, þær eldri í meiri mæli en þær yngri og er aðstoðin yfirleitt veitt af maka eða dóttur þegar horft er til hins vestræna heims. Ýmsir þættir geta haft áhrif á óformlega aðstoð, þættir er varða samfélagið og einstaklingana sjálfa. Umönnun getur haft í för með sér mikið álag á aðstandendur sem birst getur í heilsufarsvanda og ofbeldi eða vanrækslu gagnvart hinum aldraða. Ýmsir þættir geta stuðlað að árangursríkri umönnun eins og jákvæð viðhorf til umönnunar og að taka frá tíma fyrir sjálfan sig. Félagslegur stuðningur getur einnig haft jákvæð áhrif á líðan umönnunaraðila. Félagsráðgjafar geta beitt sér á ýmsa vegu til að vinna að bættri líðan aldraðra og aðstandenda þeirra.
    Lykilorð: óformleg aðstoð, aldraðir, aðstandendur, fjölskylda, umönnunaraðilar, umönnunarálag, félagslegur stuðningur og félagsráðgjöf.

Samþykkt: 
  • 12.1.2012
URI: 
  • http://hdl.handle.net/1946/10515


Skrár
Skráarnafn Stærð AðgangurLýsingSkráartegund 
Þorbjörg Birgisdóttir.pdf615.3 kBOpinnHeildartextiPDFSkoða/Opna