ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10548

Titill

Ofbeldi gegn konum í vopnuðum átökum og viðbrögð alþjóðastofnana

Útgáfa
Janúar 2012
Útdráttur

Þessi ritgerð skoðar kynbundið ofbeldi gegn konum í vopnuðum átökum. Sérstök áhersla er lögð á kynferðislegt ofbeldi sem kerfisbundið er notað sem vopn í átökum. Nauðganir eru notaðar í þeim tilgangi að brjóta niður og niðurlægja bæði þolanda og samfélög. Við greiningu á efninu eru skoðaðar femíniskar kenningar og störf alþjóðastofnana á málefnum kvenna á átakasvæðum. Farið er yfir hugtökin kyngervi og kynferði, karlmennsku og kvenleika og þau útskýrð. Einnig eru staðalímyndir kynjanna skoðaðar. Í lokin er skoðað hvort hægt sé að skilgreina nauðganir eftir alvarleika. Helstu niðurstöður ritgerðarinnar eru að staðalímyndir sem mótast af líffræðilegum einkennum og einkennum sem samfélagið mótar hafa áhrif á stöðu kynjanna. Hlutverk kynjanna í átökum byggjast oft á því að konur sinni umönnunarhlutverkum meðan karlmenn ganga í herinn. Alþjóðastofnanir sem vinna að réttindum kvenna hafa unnið að því að breyta þessum hlutverkum kynjanna með starfi sínu. Sameinuðu þjóðirnar hafa unnið mikilvægt starf í þágu kvenna í heiminum og hafa ályktanirnar um konur, frið og öryggi stuðlað að bættri stöðu kvenna í átakasvæðum. Erfitt er að ætla að skilgreina nauðganir eftir alvarleika þ.e.a.s. nauðgunina sjálfa en komist er að þeirri niðurstöðu að hægt væri að skilgreina aðstæður í átökum eftir alvarleika.
Lykilorð: Ofbeldi, kynferðislegt ofbeldi, kynbundið ofbeldi, nauðganir, konur, vopnuð átök, feminískar kenningar, alþjóðastofnanir

Birting
13.1.2012


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
B.A Ritgerð Herdís Þóra.pdf632KBOpinn Heildartexti PDF Skoða/Opna